ਤਾਹਿਰਾ ਕਸ਼ਿਅਪ ਦੀ ਕਿਤਾਬ ਮੁਕੰਮਲ

ਨਵੀਂ ਦਿੱਲੀ, 18 ਅਗਸਤ

ਲੇਖਕ ਅਤੇ ਫਿਲਮ ਨਿਰਦੇਸ਼ਕ ਤਾਹਿਰਾ ਕਸ਼ਿਅਪ ਖੁਰਾਣਾ ਨੇ ਆਪਣੀ ਲੰਮੇ ਸਮੇਂ ਤੋਂ ਉਡੀਕੀ ਜਾ ਰਹੀ ਕਿਤਾਬ ‘ਦਿ 12 ਕਮਾਂਡਮੈਂਟਸ ਆਫ ਬੀਇੰਗ ਏ ਵਿਮੈਨ’ ਮੁਕੰਮਲ ਕਰ ਲੈਣ ਮਗਰੋਂ ਕਿਹਾ ਕਿ ਲੋਕ ਉਸ ਦੀ ਲਿਖਤ ਨਾਲ ਜੁੜਨ ਦੇ ਸਮਰੱਥ ਹੋਣਗੇ ਕਿਉਂਕਿ ਉਸ ਨੇ ਇਹ ਕਿਤਾਬ ‘ਪੂਰੀ ਇਮਾਨਦਾਰੀ’ ਨਾਲ ਲਿਖੀ ਹੈ। ਕਸ਼ਿਆਪ ਖੁਰਾਣਾ ਨੇ ਆਪਣੀ ਪਹਿਲੀ ਕਿਤਾਬ ‘ਆਈ ਪਰੋਮਿਸ’ ਸਾਲ 2011 ਵਿੱਚ ਲਿਖੀ ਸੀ। ਉੁਸ ਨੇ ਆਪਣੇ ਪਤੀ ਅਯੂਸ਼ਮਾਨ ਖੁਰਾਣਾ ਦੀ ਜੀਵਨੀ ‘ਕਰੈਕਿੰਗ ਦਿ ਕੋਡ: ਮਈ ਜਰਨੀ ਇਨ ਬੌਲੀਵੁੱਡ’ ਲਿਖਣ ਵਿੱਚ ਵੀ ਸਹਾਇਤਾ ਕੀਤੀ ਸੀ। ਤਾਹਿਰਾ ਨੇ ਲੌਕਡਾਊਨ ਦੇ ਸਮੇਂ ਦਾ ਪੂਰਾ ਲਾਹਾ ਲੈਂਦਿਆਂ ਕਿਤਾਬ ਲਿਖਣ ਅਤੇ ਨਵੇਂ ਵਿਚਾਰ ਸਿਰਜਣ ’ਤੇ ਜ਼ੋਰ ਦਿੱਤਾ। ਤਾਹਿਰਾ ਦੀ ਇਸ ਕਿਤਾਬ ਦੀ ਸਾਲ ਦੇ ਅਖ਼ੀਰ ਤੱਕ ਘੁੰਡ-ਚੁਕਾਈ ਹੋਣ ਦੀ ਸੰਭਾਵਨਾ ਹੈ।
-ਆਈਏਐੱਨਐੱਸ