ਫੋਟੋਗ੍ਰਾਫਰ ਦੇ ਕੈਮਰੇ ਲੈ ਕੇ ਕਾਰ ਸਵਾਰ ਫਰਾਰ

ਪੱਤਰ ਪ੍ਰੇਰਕ
ਸਮਰਾਲਾ, 28 ਅਪਰੈਲ
ਪਿੰਡ ਬਲਾਲਾ ਦੇ ਫੋਟੋਗ੍ਰਾਫਰ ਤੋਂ ਫੰਕਸ਼ਨ ਕਰਵਾਉਣ ਦੇ ਬਹਾਨੇ ਕਾਰ ਸਵਾਰ ਆਪਣੇ ਝਾਂਸੇ ਵਿਚ ਲੈਂਦੇ ਹੋਏ ਉਸ ਦੇ ਕਰੀਬ 4-5 ਲੱਖ ਰੁਪਏ ਕੀਮਤ ਦੇ ਕੈਮਰੇ ਅਤੇ ਹੋਰ ਸਾਮਾਨ ਲੈ ਕੇ ਰਫੂਚੱਕਰ ਹੋ ਗਏ। ਫੋਟੋਗ੍ਰਾਫਰ ਰਾਹੁਲ ਨੇ ਦੱਸਿਆ ਕਿ ਉਸ ਨੂੰ ਇਕ ਵਿਅਕਤੀ ਨੇ ਫੋਨ ਕਰਕੇ ਕਿਹਾ ਕਿ ਉਹ ਲੁਧਿਆਣਾ ਦਾ ਰਹਿਣ ਵਾਲਾ ਹੈ ਅਤੇ ਉਨ੍ਹਾਂ ਦਾ ਚੰਡੀਗੜ੍ਹ ਵਿਖੇ ਵਿਆਹ ਦਾ ਪ੍ਰੋਗਰਾਮ ਹੈ, ਜਿਸ ਲਈ ਉਸ ਨੂੰ ਇਸ ਵਿਅਕਤੀ ਵੱਲੋਂ ਫੋਨ ’ਤੇ ਹੀ ਬੁੱਕ ਕਰ ਲਿਆ ਗਿਆ। ਰਾਹੁਲ ਨੇ ਦੱਸਿਆ ਕਿ ਉਹ ਆਪਣੀ ਗੱਡੀ ਵਿਚ ਕੈਮਰੇ, ਲਾਈਟਾਂ ਅਤੇ ਹੋਰ ਸਾਮਾਨ ਲੈ ਕੇ ਸਮੇਂ ਮੁਤਾਬਕ ਸਵੇਰ ਮੇਨ ਚੌਕ ਵਿਚ ਪਹੁੰਚ ਗਿਆ ਜਿੱੱਥੇ ਕਾਰ ਸਵਾਰਾਂ ਨੇ ਆਪਣਾ ਸਾਮਾਨ ਕਾਰ ਵਿਚ ਰੱਖਣ ਲਈ ਕਿਹਾ, ਜਦੋਂ ਉਸ ਨੇ ਸਾਮਾਨ ਰੱਖਿਆ ਤਾਂ ਕਾਰ ਸਵਾਰ ਸਾਮਾਨ ਲੈ ਕੇ ਫਰਾਰ ਹੋ ਗਏ।