ਆਦਮਪੁਰ ਵਾਸੀ ਦੀ ਇਟਲੀਵਿੱਚ ਮੌਤ

ਪੱਤਰ ਪ੍ਰੇਰਕ
ਜਲੰਧਰ, 1 ਅਪਰੈਲ
ਆਦਮਪੁਰ ਦੇ ਨੌਜਵਾਨ ਦੀ ਇਟਲੀ ਵਿੱਚ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਹਰਸ਼ ਗਿਰ ਵਜੋਂ ਹੋਈ ਹੈ ਜੋ ਪਰਿਵਾਰ ਸਣੇ ਪਿਛਲੇ ਦਸ ਸਾਲਾਂ ਤੋਂ ਇਟਲੀ ਰਹਿ ਰਿਹਾ ਸੀ। ਬੀਤੇ ਦਿਨ ਉਸ ਨੂੰ ਇਟਲੀ ਵਿੱਚ ਦਿਲ ਦਾ ਦੌਰਾ ਪੈ ਗਿਆ। ਪਰਿਵਾਰ ਵਾਲੇ ਹਰਸ਼ ਗਿਰ ਨੂੰ ਹਸਪਤਾਲ ਲੈ ਗਏ ਜਿੱਥੇ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਆਦਮਪੁਰ ਦੇ ਸ੍ਰੀ ਦੇਵੀ ਮਾਤਾ ਮੰਦਰ (ਮੁੱਖ ਬਾਜ਼ਾਰ) ਦੇ ਮੁੱਖ ਪੁਜਾਰੀ ਮਹੰਤ ਨਰਿੰਦਰ ਗਿਰ ਦਾ ਭਤੀਜਾ ਸੀ। ਪੁਜਾਰੀ ਨੇ ਦੱਸਿਆ ਕਿ ਹਰਸ਼ 10 ਸਾਲਾਂ ਤੋਂ ਇਟਲੀ ਦੇ ਫਲੋਰੈਂਸ ਸ਼ਹਿਰ ਵਿੱਚ ਆਪਣੇ ਪਰਿਵਾਰ ਨਾਲ ਰਹਿੰਦਾ ਸੀ। ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਉਨ੍ਹਾਂ ਨੂੰ ਫੋਨ ’ਤੇ ਹੀ ਸੂਚਨਾ ਮਿਲੀ। ਇਸ ਕਾਰਨ ਮੁਹੱਲੇ ਵਿੱਚ ਸੋਗ ਦੀ ਲਹਿਰ ਹੈ। ਉਨ੍ਹਾਂ ਦੱਸਿਆ ਕਿ ਹਰਸ਼ ਦਾ ਅੰਤਿਮ ਸੰਸਕਾਰ 2 ਅਪਰੈਲ ਨੂੰ ਇਟਲੀ ’ਚ ਕੀਤਾ ਜਾਵੇਗਾ।