Punjab News: ਲੜਕੀ ਨੂੰ ਅਗਵਾ ਕਰਨ ਵਾਲੇ ਮਾਂ-ਪੁੱਤ ਗ੍ਰਿਫ਼ਤਾਰ

ਪੱਤਰ ਪ੍ਰੇਰਕ
ਲਹਿਰਾਗਾਗਾ,4 ਅਪਰੈਲ

ਲਹਿਰਾਗਾਗਾ-ਧਰਮਗੜ ਸੜਕ ਤੇ ਪੈਂਦੇ ਪਿੰਡ ਕਣਕਵਾਲ ਭੰਗੂਆ ਵਿਚ ਇਕ ਲੜਕੀ ਨੂੰ ਅਗਵਾ ਕੀਤੇ ਜਾਣ ਸਬੰਧੀ ਥਾਣਾ ਧਰਮਗੜ੍ਹ ਨੇ ਮਾਂ-ਪੁੱਤ ਨੂੰ ਗਿਰਫ਼ਤਾਰ ਕਰਦਿਆਂ ਅਗਲੇਰੀ ਕਾਰਵਈ ਸ਼ੁਰੂ ਕੀਤੀ ਹੈ। ਅਧਿਕਾਰੀ ਗੁਰਲਾਲ ਸਿੰਘ ਨੇ ਦੱਸਿਆ ਕਿ ਸੁਖਪਾਲ ਕੌਰ ਪਤਨੀ ਅਜੈਬ ਸਿੰਘ ਕਣਕਵਾਲ ਭੰਗੂਆ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਸਦੀ ਲੜਕੀ ਦਮਨਜੋਤ ਕੌਰ ਨੂੰ ਰਸਤਾ ਪੁੱਛਣ ਦੇ ਬਹਾਨੇ ਬੁਲਾਇਆ ਅਤੇ ਧੱਕੇ ਨਾਲ ਮੋਟਰ ਸਾਈਕਲ ਦੇ ਵਿਚਕਾਰ ਬਿਠਾਉਂਦਿਆਂ ਅਗਵਾ ਕਰਕੇ ਲੈ ਗਏ।
ਅਧਿਕਾਰੀ ਨੇ ਕਿਹਾ ਪੜਤਾਲ ਕਰਨ ਉਪਰੰਤ ਨਾਨਕ ਸਿੰਘ ਪੁੱਤਰ ਤਰਸੇਮ ਸਿੰਘ ਅਤੇ ਉਸ ਦੀ ਮਾਤਾ ਰਾਜ ਕੋਰ ਪਤਨੀ ਤਰਸੇਮ ਸਿੰਘ ਵਾਸੀਆਨ ਫਲੇੜਾ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਅਗਲੇਰੀ ਕਾਰਵਈ ਸ਼ੁਰੂ ਕੀਤੀ ਗਈ ਹੈ।