ਟਰੱਕ ਚੋਰੀ ਕਰਨ ਦੇ ਦੋਸ਼ ਹੇਠ ਡਰਾਈਵਰ ’ਤੇ ਕੇਸ

ਤਰਨ ਤਾਰਨ:

ਇਲਾਕੇ ਦੇ ਪਿੰਡ ਮਾਨੋਚਾਹਲ ਕਲਾਂ ਦੇ ਵਾਸੀ ਜਸਬੀਰ ਸਿੰਘ ਦਾ ਟਰੱਕ ਉਸ ਦਾ ਆਪਣਾ ਹੀ ਡਰਾਈਵਰ ਚੋਰੀ ਕਰ ਕੇ ਲੈ ਗਿਆ| ਜਸਬੀਰ ਸਿੰਘ ਦੀ ਸ਼ਿਕਾਇਤ ’ਤੇ ਥਾਣਾ ਪੱਟੀ ਸਦਰ ਦੀ ਪੁਲੀਸ ਨੇ ਡਰਾਈਵਰ ਜਗਮੇਰ ਸਿੰਘ ਅਤੇ ਉਸ ਦੇ ਸਾਥੀ ਸੋਨੂੰ ਵਾਸੀ ਚੂਸਲੇਵੜ੍ਹ ਨੂੰ ਮੁਲਜ਼ਮ ਵਜੋਂ ਨਾਮਜ਼ਦ ਕੀਤਾ ਹੈ| ਜਸਬੀਰ ਸਿੰਘ ਨੇ ਜਗਮੇਰ ਸਿੰਘ ਨੂੰ ਕਰੀਬ 10 ਦਿਨ ਪਹਿਲਾਂ ਹੀ ਡਰਾਇਵਰ ਰੱਖਿਆ ਸੀ ਅਤੇ ਉਹ ਟਰੱਕ ’ਤੇ ਗੰਨਾ ਲੈ ਕੇ ਕੋਟ ਬੁੱਢਾ ਪਿੰਡ ਤੋਂ ਰਾਣਾ ਸ਼ੂਗਰ ਮਿਲ ਬੁੱਟਰ ਉਤਾਰ ਕੇ ਟਰੱਕ ਆਪਣੇ ਘਰ ਚੁਸਲੇਵੜ੍ਹ ਲੈ ਗਿਆ| ਜਗਮੇਰ ਸਿੰਘ ਨੇ ਆਪਣੇ ਮਾਲਕ ਜਸਬੀਰ ਸਿੰਘ ਨੂੰ ਟਰੱਕ ਉਸ ਦੇ ਘਰ ਦੇ ਬਾਹਰ ਤੋਂ ਕਿਸੇ ਵਲੋਂ ਚੋਰੀ ਕਰਕੇ ਲੈ ਜਾਣ ਦੀ ਕਹਾਣੀ ਸੁਣਾ ਦਿੱਤੀ|