ਸਿੰਗਾਪੁਰ: ਭਾਰਤੀ ਮੂਲ ਦੇ ਮਲੇਸ਼ਿਆਈ ਨੂੰ ਕਤੂਰੇ ਦੀ ਤਸਕਰੀ ਦੇ ਦੋਸ਼ ਹੇਠ ਕੈਦ

ਸਿੰਗਾਪੁਰ, 16 ਅਪਰੈਲ
ਭਾਰਤੀ ਮੂਲ ਦੇ ਮਲੇਸ਼ਿਆਈ ਵਿਅਕਤੀ ਨੂੰ ਗੰਦੇ ਕੱਪੜੇ ਰੱਖਣ ਵਾਲੇ ਬੈਗ ਵਿੱਚ ਲੁਕਾ ਕੇ ਕਤੂਰੇ ਦੀ ਤਸਕਰੀ ਕਰਨ ਦੇ ਦੋਸ਼ ਹੇਠ ਅੱਠ ਹਫ਼ਤਿਆਂ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਅਤੇ 2500 ਸਿੰਗਾਪੁਰੀ ਡਾਲਰ ਦਾ ਜੁਰਮਾਨਾ ਵੀ ਕੀਤਾ ਗਿਆ। ‘ਚੈਨਲ ਨਿਊਜ਼ ਏਸ਼ੀਆ’ ਦੀ ਰਿਪੋਰਟ ਮੁਤਾਬਕ, 43 ਸਾਲਾ ਮਹੇਂਤਰਨ ਗਣੇਸ਼ਨ ਨੇ ਉਸ ’ਤੇ ਲਗਾਏ ਗਏ ਦੋਸ਼ਾਂ ਨੂੰ ਸਵੀਕਾਰ ਕਰ ਲਿਆ ਹੈ। ‘ਇਮੀਗ੍ਰੇਸ਼ਨ ਐਂਡ ਚੈੱਕਪੁਆਇੰਟਸ ਅਥਾਰਿਟੀ’ (ਆਈਸੀਏ) ਦੇ ਅਧਿਕਾਰੀਆਂ ਨੇ ਮਹੇਂਤਰਨ ਦੇ ਵਾਹਨ ਦੀ ਤਲਾਸ਼ੀ ਦੌਰਾਨ ਇਕ ਕਤੂਰੇ ਨੂੰ ਬੈਗ ਵਿੱਚ ਛੁਪਿਆ ਦੇਖਿਆ ਸੀ। ਮੁਲਜ਼ਮ ਮਲੇਸ਼ੀਆ ’ਚ ਟਰਾਂਸਪੋਰਟ ਕੰਪਨੀ ਦਾ ਮਾਲਕ ਹੈ। ਉਹ ਗੈਰ-ਕਾਨੂੰਨੀ ਤੌਰ ’ਤੇ ਮਲੇਸ਼ੀਆ ਤੋਂ ਸਿੰਗਾਪੁਰ ਜੀਵ-ਜੰਤੂਆਂ ਨੂੰ ਲਿਆਉਣ ਦਾ ਕੰਮ ਕਰਦਾ ਸੀ। -ਪੀਟੀਆਈ