ਪੰਪ ਅਪਰੇਟਰ ਦੇ ਕਾਤਲਾਂ ਨੂੰ ਉਮਰ ਕੈਦ

ਪੱਤਰ ਪ੍ਰੇਰਕ
ਟੋਹਾਣਾ, 13 ਮਾਰਚ
ਹਰਿਆਣਾ ਖੇਤੀਬਾੜੀ ’ਵਰਿਸਟੀ ਹਿਸਾਰ ਵਿੱਚ ਪੰਪ ਅਪਰੇਟਰ ਜੋਨੀ (27) ਦੀ ਰੰਜਿਸ਼ ਕਾਰਨ 7 ਅਗਸਤ 2021 ਨੂੰ ਰਾਤ ਵੇਲੇ ਘਰ ਦੇ ਸਾਹਮਣੇ ਗੋਲੀ ਮਾਰ ਕੇ ਹੱਤਿਆ ਕਰਨ ਦੇ ਮਾਮਲੇ ਵਿੱਚ ਹਿਸਾਰ ਸੈਸ਼ਨ ਕੋਰਟ ਨੇ ਦੋਸ਼ੀਆਂ ਮਿਤਾਂਸ਼ੂ, ਪੰਕਜ, ਰਾਹੁਲ ਤੇ ਸ਼ੁਭਮ ਨੂੰ ਉਮਰ ਕੈਦ, ਮਿਤਾਂਸ਼ੂ ਤੇ ਪੰਕਜ਼ ਨੂੰ 27-27 ਹਜ਼ਾਰ, ਰਾਹੁਲ ਤੇ ਸ਼ੁਭਮ ਨੂੰ 20-20 ਹਜ਼ਾਰ ਰੁਪਏ ਜ਼ੁਰਮਾਨੇ ਦੀ ਸਜ਼ਾ ਤੋਂ ਇਲਾਵਾ ਕਾਤਲਾਂ ਨੂੰ ਪਨਾਹ ਦੇਣ ’ਤੇ ਸੰਦੀਪ ਨੂੰ 4 ਸਾਲ ਕੈਦ ਦੇ ਪੰਜ ਹਜ਼ਾਰ ਰੁਪਏ ਦੀ ਸਜ਼ਾ ਸੁਣਾਈ ਹੈ। ਪੁਲੀਸ ਚਾਲਾਨ ਮੁਤਾਬਿਕ ਮ੍ਰਿਤਕ ਜੋਨੀ ਦੇ ਪਿਤਾ ਰੋਹਤਾਸ਼ ਦੀ ਸ਼ਿਕਾਇਤ ’ਤੇ ਕੇਸ ਦਰਜ ਕੀਤਾ ਗਿਆ ਸੀ ਮੌਕੇ ਦੇ ਗਵਾਹ ਵੱਲੋਂ ਮਾਮਲੇ ਦੀ ਆਖ਼ਰੀ ਪੇਸ਼ੀ ਤੇ ਬਿਆਨ ਬਦਲਣ ਦੇ ਬਾਵਜੂਦ ਪਿਤਾ ਦੀ ਗਵਾਹੀ ਤੇ ਅਦਾਲਤ ਨੇ 5 ਦੋਸ਼ੀਆਂ ਨੂੰ ਸਜ਼ਾ ਸੁਣਾਈ ਹੈ। ਰੋਹਤਾਸ਼ ਮੁਤਾਬਿਕ ਜੋਨੀ ਖਾਣਾ ਖਾ ਕੇ ਪਾਰਕ ਗਿਆ ਤਾਂ ਗੋਲੀਆਂ ਲੱਗਣ ਨਾਲ ਉਸ ਦੀ ਮੌਤ ਹੋ ਗਈ।