ਦੋ ਟਰੱਕਾਂ ਦੀ ਟੱਕਰ ਵਿੱਚ ਜ਼ਖ਼ਮੀ

ਪੱਤਰ ਪ੍ਰੇਰਕ
ਫਿਲੌਰ, 2 ਫਰਵਰੀ
ਇਥੋਂ ਦੀ ਨਵਾਂ ਸ਼ਹਿਰ ਵਾਲੀ ਸੜਕ ’ਤੇ ਪਿੰਡ ਛਿੱਛੋਵਾਲ ਦੇ ਕੋਲ ਦੋ ਟਰੱਕਾਂ ਦੀ ਟੱਕਰ ਵਿੱਚ ਇੱਕ ਵਿਅਕਤੀ ਜ਼ਖ਼ਮੀ ਹੋ ਗਆ। ਹਾਦਸੇ ਦੌਰਾਨ ਇੱਕ ਟਰੱਕ ਚਾਹ ਵਾਲੇ ਢਾਬੇ ਵਿੱਚ ਜਾ ਵੜਿਆ, ਜਿਸ ਕਾਰਨ ਚਾਹ ਬਣਾਉਣ ਵਾਲਾ ਵਿਅਕਤੀ ਗੰਭੀਰ ਜ਼ਖ਼ਮੀ ਹੋ ਗਿਆ। ਉਸ ਨੂੰ ਰਾਹਗੀਰਾਂ ਦੀ ਮਦਦ ਨਾਲ ਸਥਾਨਕ ਸਿਵਲ ਹਸਪਤਾਲ ਪਹੁੰਚਾਇਆ ਗਿਆ। ਗੰਭੀਰ ਹਾਲਤ ਨੂੰ ਦੇਖਦਿਆਂ ਉਸ ਨੂੰ ਪ੍ਰਾਈਵੇਟ ਹਸਪਤਾਲ ਰੈਫਰ ਕੀਤਾ ਗਿਆ। ਰਾਹਗੀਰਾਂ ਨੇ ਦੱਸਿਆ ਕਿ ਇੱਕ ਟਰੱਕ ਢਾਬੇ ਦੇ ਵਿੱਚ ਜਾ ਵੜਿਆ ਜਿਸ ਨੇ ਢਾਬੇ ਦਾ ਬੁਰੀ ਤਰ੍ਹਾਂ ਨਾਲ ਨੁਕਸਾਨ ਕਰ ਦਿੱਤਾ। ਢਾਬੇ ਵਾਲੇ ਦੇ ਪੁੱਤਰ ਨੇ ਦੱਸਿਆ ਕਿ ਉਸ ਦੇ ਪਿਤਾ ਅਤੇ ਮਾਤਾ ਇੱਥੇ ਚਾਹ ਬਣਾ ਰਹੇ ਸਨ। ਇਸ ਇੱਕ ਟਰੱਕ ਦਾ ਡਰਾਈਵਰ ਚਾਹ ਪੀਣ ਲਈ ਰੁਕਿਆ ਹੋਇਆ ਸੀ। ਇੰਨੇ ਨੂੰ ਇੱਕ ਹੋਰ ਟਰੱਕ ਨੇ ਉਸਨੂੰ ਟੱਕਰ ਮਾਰ ਦਿੱਤੀ।