ਅੰਬਾਲਾ ਕੈਂਟ ਰੇਲਵੇ ਸਟੇਸ਼ਨ ’ਤੇ ਨਵੀਂ ਪਾਰਕਿੰਗ ਸ਼ੁਰੂ

ਅੰਬਾਲਾ: ਉੱਤਰੀ ਰੇਲਵੇ ਨੇ ਅੰਬਾਲਾ ਕੈਂਟ ਰੇਲਵੇ ਸਟੇਸ਼ਨ ’ਤੇ ਨਵੀਂ ਪਾਰਕਿੰਗ ਸ਼ੁਰੂ ਕੀਤੀ ਹੈ। ਇਸ ਵਿੱਚ ਯਾਤਰੀ ਆਪਣੇ ਵਾਹਨ ਪਾਰਕ ਕਰਨ ਲਈ ਘੰਟੇ ਦੇ ਆਧਾਰ ’ਤੇ ਭੁਗਤਾਨ ਕਰਨਗੇ। ਪਾਰਕਿੰਗ ਦੇ ਠੇਕੇਦਾਰ ਨੇ ਕਿਹਾ ਕਿ ਇੱਥੇ 10 ਮਿੰਟ ਪਾਰਕ ਲਈ ਕੋਈ ਚਾਰਜਿੰਗ ਨਹੀਂ ਹੈ, ਇਸ ਤੋਂ ਬਾਅਦ ਘੰਟੇ ਦੇ ਆਧਾਰ ’ਤੇ ਪੈਸੇ ਲਏ ਜਾਣਗੇ। ਦੂਜੇ ਪਾਸੇ ਵਾਹਨ ਚਾਲਕਾਂ ਨੇ ਘੰਟੇ ਦੇ ਆਧਾਰ ’ਤੇ ਫੀਸ ਦਾ ਵਿਰੋਧ ਕਰਦਿਆਂ ਕਿਹਾ ਕਿ ਪਹਿਲਾਂ ਸਾਰੇ ਦਿਨ ਲਈ 50 ਰੁਪਏ ਲੱਗਦੇ ਸਨ। -ਨਿੱਜੀ ਪੱਤਰ ਪ੍ਰੇਰਕ