ਮਾਣੇਵਾਲ ’ਚ ਡਰੀਮਲੈਂਡ ਗਾਰਡਨ ਲੋਕ ਅਰਪਨ

­ਗੁਰਦੇਵ ਸਿੰਘ ਗਹੂੰਣ
ਬਲਾਚੌਰ, 20 ਅਗਸਤ

ਵਿਧਾਇਕ ਚੌਧਰੀ ਦਰਸ਼ਨ ਲਾਲ ਮੰਗੂਪੁਰ ਨੇ ਪਿੰਡ ਮਾਣੇਵਾਲ ਵਿੱਖੇ 19 ਲੱਖ ਰੁਪਏ ਦੀ ਲਾਗਤ ਨਾਲ ਤਿਆਰ ਕੀਤੇ ਗਏ ਡਰੀਮਲੈਂਡ ਗਾਰਡਨ ਨੂੰ ਲੋਕ ਅਰਪਤ ਕੀਤਾ।

ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਇਹ ਪਾਰਕ ਬੱਚਿਆਂ, ਨੌਜਵਾਨਾਂ ਅਤੇ ਬਜ਼ੁਰਗਾਂ ਲਈ ਵਰਦਾਨ ਸਿੱਧ ਹੋਵੇਗਾ। ਇੱਕ ਏਕੜ ਤੋਂ ਵੱਧ ਰਕਬੇ ’ਤੇ ਬਣਾਏ ਗਏ ਇਸ ਬੇਹੱਦ ਖੂਬਸੂਰਤ ਪਾਰਕ ਨੂੰ ਪੰਚਾਇਤ ਫੰਡ ਸ਼ਹੀਦ ਭਗਤ ਸਿੰਘ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਤੇ ਗਰਾਮ ਵਾਸੀਆਂ ਦੇ ਸਹਿਯੋਗ ਨਾਲ ਤਿਆਰ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਪਾਰਕ ਵਿੱਚ ਓਪਨ ਜਿੰਮ, ਝੂਲੇ ਅਤੇ ਬੁਜ਼ਰਗਾਂ ਲਈ ਸ਼ੈੱਡ ਅਤੇ ਬੈਠਣ ਲਈ ਬੈਂਚ, ਫਲੱਡ ਲਾਈਟਾਂ ਅਤੇ ਫੁਆਰੇ ਲਗਾਏੇ ਗਏ ਹਨ। ਸੁਰੱਖਿਆ ਦੇ ਮੱਦੇਨਜ਼ਰ ਸੀ.ਸੀ.ਟੀ.ਵੀ. ਕੈਮਰੇ ਵੀ ਲਗਾਏ ਗਏ ਹਨ। ਪਾਰਕ ਵਿੱਚ ਇੱਕ ਮਿਊਜ਼ਿਕ ਸਿਸਟਮ ਵੀ ਲਗਾਇਆ ਗਿਆ ਹੈ, ਜਿੱਥੇ ਸਵੇਰੇ ਸ਼ਾਮ ਗੁਰਬਾਣੀ/ਕੀਰਤਨ ਦਾ ਅਨੰਦ ਲਿਆ ਜਾ ਸਕਦਾ ਹੈ। ਇਸ ਮੌਕੇ ਪਤਵੰਤੇ ਅਤੇ ਲੋਕ ਹਾਜ਼ਰ ਸਨ।