ਦਿਵਿਆ ਦੱਤਾ ਨੂੰ ਪਿਆ ਸ਼ਗਨ ਪਰ ਅਭਨਿੇਤਰੀ ਹੈਰਾਨ ਤੇ ਪ੍ਰੇਸ਼ਾਨ

ਮੁੰਬਈ, 26 ਜੁਲਾਈ

ਅਭਨਿੇਤਰੀ ਦਿਵਿਆ ਦੱਤਾ 51,000 ਰੁਪਏ ਦਾ ਮਹੀਨਾਵਾਰ ਬਿਜਲੀ ਦਾ ਬਿੱਲ ਦੇਖ ਕੇ ਕਾਫੀ ਹੈਰਾਨ ਤੇ ਪ੍ਰੇਸ਼ਾਨ ਹੈ। ਅੱਜ ਦਿਵਿਆ ਨੇ ਟਵੀਟ ’ਤੇ ਇਹ ਗੱਲ ਸਾਂਝੀ ਕੀਤੀ ਤੇ ਬਿਜਲੀ ਕੰਪਨੀ ਨੂੰ ਕਿਹਾ, “ਪਿਆਰੇ @ ਟਾਟਾਪਾਵਰ … ਕੀ ਹੋ ਰਿਹਾ ਹੈ .. 51000 ਦਾ ਮਹੀਨਾਵਾਰ ਬਿੱਲ ?? ਸ਼ਗਨ ਦੇਣਾ ਹੈ ਲੌਕਡਾਊਨ ਦਾ? ਕ੍ਰਿਪਾ ਕਰਕੇ ਇਸ ਨੂੰ ਸਹੀ ਕੀਤਾ ਜਾਵੇ।’ ਪਿਛਲੇ ਮਹੀਨੇ ਬੌਲੀਵੁੱਡ ਦੀਆਂ ਕਈ ਹੋਰ ਮਸ਼ਹੂਰ ਹਸਤੀਆਂ ਨੇ ਮੁੰਬਈ ਵਿੱਚ ਬਿਜਲੀ ਬਿੱਲ ਦਾ ਮੁੱਦਾ ਚੁੱਕਿਆ ਸੀ।