ਸੜਕ ਵਿਚਾਲੇ ਟੋਏ ਤੋਂ ਲੋਕ ਔਖੇ

ਸ਼ਹਿਣਾ, 10 ਮਈ

ਸ਼ਹਿਣਾ-ਪੱਖੋ ਕੈਂਚੀਆਂ ਜੀ.ਟੀ. ਰੋਡ ’ਤੇ ਸੂਏ ਦੇ ਪੁਲ ਕੋਲ ਮੇਨ ਸੜਕ ’ਤੇ ਟੋਏ ਤੋਂ ਲੋਕ ਕਾਫ਼ੀ ਪ੍ਰੇਸ਼ਾਨ ਹਨ। ਦਰਅਸਲ, ਸੜਕ ਟੁੱਟ-ਟੁੱਟ ਕੇ ਇਹ ਟੋਆ ਬਣ ਗਿਆ ਹੈ। ਜਦੋਂ ਵੀ ਕੋਈ ਮੋਟਰਸਾਈਕਲ ਸਵਾਰ ਜਾ ਰਿਹਾ ਹੁੰਦਾ ਹੈ ਤਾਂ ਇਸ ਟੋਏ ਦਾ ਪਤਾ ਨਹੀਂ ਲੱਗਦਾ ਅਤੇ ਵਹੀਕਲ ਅਚਾਨਕ ਹੀ ਟੋਏ ’ਚ ਡਿੱਗ ਜਾਂਦਾ ਹੈ। ਤ੍ਰਾਸਦੀ ਇਹ ਹੈ ਕਿ ਸਬੰਧਤ ਵਿਭਾਗ ਨੂੰ ਇਹ ਟੋਆ ਨਜ਼ਰ ਨਹੀਂ ਆਉਂਦਾ। ਕਿਸਾਨ ਆਗੂ ਗੁਰਵਿੰਦਰ ਸਿੰਘ ਨਾਮਧਾਰੀ, ਗੁਰਪ੍ਰੀਤ ਸਿੰਘ ਗਿੱਲ, ਕਲੱਬ ਆਗੂ ਗੁਰਸੇਵਕ ਸਿੰਘ ਨੇ ਸਬੰਧਤ ਵਿਭਾਗ ਤੋਂ ਹਾਦਸੇ ਤੋਂ ਪਹਿਲਾਂ ਇਹ ਟੋਆ ਪੂਰਨ ਦੀ ਮੰਗ ਕੀਤੀ ਹੈ।