ਨਾਇਜੀਰੀਅਨ ਤੇ ਦੋ ਔਰਤਾਂ ਸਣੇ ਸੱਤ ਗ੍ਰਿਫ਼ਤਾਰ

ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 2 ਅਪਰੈਲ
ਦਿੱਲੀ-ਐਨਸੀਆਰ ਵਿੱਚ ਪੁਲੀਸ ਨੇ ਨਸ਼ੇ ਦੀ ਤਸਕਰੀ ਸਬੰਧੀ ਨਾਇਜੀਰੀਅਨ ਅਤੇ ਦੋ ਔਰਤਾਂ ਸਣੇ ਸੱਤ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਮੁਲਜ਼ਮਾਂ ਕੋਲੋਂ ਕੁੱਲ 52 ਕਿਲੋ ਗਾਂਜਾ ਬਰਾਮਦ ਹੋਇਆ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਵਿੱਚ ਨਾਇਜੀਰੀਅਨ ਨਾਗਰਿਕ ਅਤੇ ਦੋ ਔਰਤਾਂ ਵੀ ਸ਼ਾਮਲ ਹਨ। ਪੁਲੀਸ ਨੇ ਮੁਲਜ਼ਮਾਂ ਕੋਲੋਂ 62 ਕਿਲੋ ਗਾਂਜਾ, 57.16 ਗ੍ਰਾਮ ਐਮਫੇਟਾਮਾਈਨ ਤੇ 285 ਗ੍ਰਾਮ ਸਮੈਕ ਬਰਾਮਦ ਕੀਤੀ ਹੈ। ਮੁਲਜ਼ਮਾਂ ਦੀ ਪਛਾਣ ਵਿਕਾਸ ਕੁਮਾਰ, ਮੰਜੇ ਕੁਮਾਰ ਵਾਸੀ ਅੰਧਾ ਮੁਗਲ ਗੁਲਾਬੀ ਬਾਗ, ਕੁਸ਼ਿੰਦਰ ਕੁਮਾਰ ਵਾਸੀ ਵਜ਼ੀਰਪੁਰ, ਰਾਜਕੁਮਾਰ ਵਾਸੀ ਫਤਿਹਪੁਰ ਬੇਰੀ, ਨਾਇਜੀਰੀਅਨ ਚੁਕੂ ਅੰਬੇਕਾ, ਕਿਰਨ ਉਰਫ ਬੋਨੀ ਵਾਸੀ ਸਿਵਲ ਲਾਈਨ, ਸੰਗੀਤਾ ਏ ਚੰਗੂ ਵਾਸੀ ਮੁੰਘਾ ਅਤੇ ਮੁੱਗਾ ਵਾਸੀ ਮੁਗਲ ਵਜੋਂ ਹੋਈ ਹੈ। ਇਹ ਸਪਲਾਈ ਇੰਟਰ ਸਟੇਟ ਬੱਸ ਟਰਮੀਨਸ (ਆਈਐੱਸਬੀਟੀ) ਤੋਂ ਹੋਣੀ ਸੀ।