ਆਸਟਰੇਲੀਆ ਆਪਣੀ ਕਰੰਸੀ ਤੋਂ ਹਟਾਏਗਾ ਮਰਹੂਮ ਮਹਾਰਾਣੀ ਐਲਿਜ਼ਾਬੈੱਥ ਦੋਇਮ ਦੀ ਤਸਵੀਰ

ਸਿਡਨੀ, 2 ਫਰਵਰੀ

ਆਸਟਰੇਲੀਆ ਆਪਣੇ ਸਵਦੇਸ਼ੀ ਸੱਭਿਆਚਾਰ ਦੇ ਇਤਿਹਾਸ ਨੂੰ ਦਰਸਾਉਣ ਅਤੇ ਸਨਮਾਨ ਦੇਣ ਲਈ ਆਪਣੇ 5 ਡਾਲਰ ਦੇ ਕਰੰਸੀ ਨੋਟ ਤੋਂ ਮਹਾਰਾਣੀ ਐਲਿਜ਼ਾਬੈਥ ਦੋਇਮ ਦੀ ਤਸਵੀਰ ਨੂੰ ਨਵੇਂ ਡਿਜ਼ਾਈਨ ਨਾਲ ਬਦਲ ਦੇਵੇਗਾ। ਰਿਜ਼ਰਵ ਬੈਂਕ ਆਫ ਆਸਟਰੇਲੀਆ ਨੇ ਬਿਆਨ ਵਿੱਚ ਕਿਹਾ ਕਿ ਇਹ ਫੈਸਲਾ ਸੰਘੀ ਸਰਕਾਰ ਨਾਲ ਸਲਾਹ ਮਸ਼ਵਰੇ ਤੋਂ ਬਾਅਦ ਲਿਆ ਗਿਆ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਨੋਟ ਦੇ ਦੂਸਰੇ ਪਾਸੇ ‘ਤੇ ਆਸਟਰੇਲੀਆਈ ਸੰਸਦ ਦੀ ਤਸਵੀਰ ਜਾਰੀ ਰਹੇਗੀ। ਆਸਟਰੇਲੀਆ ਨੇ ਸਤੰਬਰ 2022 ਵਿੱਚ ਕਿਹਾ ਸੀ ਕਿ ਕਿੰਗ ਚਾਰਲਸ ਦੀ ਤਸਵੀਰ 5 ਡਾਲਰ ਦੇ ਨੋਟਾਂ ‘ਤੇ ਮਹਾਰਾਣੀ ਐਲਿਜ਼ਾਬੈਥ ਦੀ ਥਾਂ ਨਹੀਂ ਲਵੇਗੀ ਅਤੇ ਉਸ ਦੀ ਥਾਂ ਆਸਟਰੇਲੀਅਨ ਸ਼ਖਸੀਅਤਾਂ ਲੈ ਸਕਦੀਆਂ ਹਨ।