ਆਟੋ ਚਾਲਕ ਨੂੰ ਸਬਜ਼ੀ ਖਰੀਦਣੀ ਮਹਿੰਗੀ ਪਈ, ਆਟੋ ਰਿਕਸ਼ਾ ਚੋਰੀ
05:01 AM Apr 02, 2025 IST
ਪੱਤਰ ਪ੍ਰੇਰਕ
ਪਠਾਨਕੋਟ, 1 ਅਪਰੈਲ
ਇੱਥੇ ਇੱਕ ਵਿਅਕਤੀ ਆਪਣਾ ਆਟੋ ਰਿਕਸ਼ਾ ਖੜ੍ਹਾ ਕਰ ਕੇ ਸਬਜ਼ੀ ਖਰੀਦਣ ਚਲਾ ਗਿਆ ਪਰ ਜਦੋਂ ਉਹ ਵਾਪਸ ਆਇਆ ਤਾਂ ਆਟੋ ਰਿਕਸ਼ਾ ਉਥੇ ਨਹੀਂ ਸੀ। ਜਿਸ ਨੂੰ ਅਣਪਛਾਤੇ ਚੋਰਾਂ ਨੇ ਚੋਰੀ ਕਰ ਲਿਆ। ਪੀੜਤ ਆਟੋ ਚਾਲਕ ਰਵੀਕਾਂਤ ਨੇ ਦੱਸਿਆ ਕਿ ਉਹ ਪਠਾਨਕੋਟ ਦੇ ਸ਼ਾਹਪੁਰ ਚੌਕ ਦਾ ਰਹਿਣ ਵਾਲਾ ਹੈ ਅਤੇ ਉਹ ਪਿਛਲੇ 5 ਸਾਲਾਂ ਤੋਂ ਆਟੋ ਚਲਾ ਰਿਹਾ ਹੈ। ਉਹ ਰੋਜ਼ਾਨਾ ਦੀ ਤਰ੍ਹਾਂ ਸਵਾਰੀ ਨੂੰ ਬੱਸ ਸਟੈਂਡ ਤੋਂ ਲਿਆ ਕੇ ਖੱਡੀ ਪੁਲ ’ਤੇ ਛੱਡ ਕੇ ਆਇਆ ਸੀ। ਉਹ ਆਟੋ ਖੜ੍ਹਾ ਕਰਕੇ ਰੇਹੜੀ ’ਤੇ ਸਬਜ਼ੀ ਲੈਣ ਚਲਾ ਗਿਆ। ਸਬਜ਼ੀ ਖਰੀਦਣ ਤੋਂ ਬਾਅਦ ਜਦੋਂ ਉਕਤ ਜਗ੍ਹਾ ’ਤੇ ਵਾਪਸ ਆਇਆ ਤਾਂ ਦੇਖਿਆ ਕਿ ਉਥੇ ਆਟੋ ਨਹੀਂ ਸੀ। ਉਸ ਨੇ ਕਈ ਜਗ੍ਹਾ ਆਟੋ ਲੱਭਣ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਨੂੰ ਆਟੋ ਨਹੀਂ ਲੱਭਿਆ। ਉਸ ਨੇ ਇਸ ਦੀ ਸ਼ਿਕਾਇਤ ਪੁਲੀਸ ਨੂੰ ਦੇ ਦਿੱਤੀ ਹੈ।
Advertisement
Advertisement