ਯਸ਼ ਰਾਜ ਫਿਲਮਜ਼ ਵੱਲੋਂ ‘ਟਾਈਗਰ 3’ ਸਬੰਧੀ ਵੀਡੀਓ ਜਾਰੀ

ਮੁੰਬਈ: ਫਿਲਮ ਨਿਰਮਾਤਾ ਯਸ਼ ਚੋਪੜਾ ਦੇ ਜਨਮ ਦਿਨ ਮੌਕੇ ਆਦਿੱਤਿਆ ਚੋਪੜਾ ਨੇ ਇੱਕ ਵੀਡੀਓ ਜਾਰੀ ਕੀਤੀ ਹੈ ਜੋ ਸਲਮਾਨ ਖਾਨ ਦੀ ਫਿਲਮ ‘ਟਾਈਗਰ 3’ ਨਾਲ ਸਬੰਧਤ ਹੈ। ਇਸ ਵਿੱਚ ਅਦਾਕਾਰ ਸਲਮਾਨ ਖਾਨ ਇੱਕ ਖ਼ਾਸ ਸੁਨੇਹਾ ਦੇ ਰਿਹਾ ਹੈ। ਇਸ ਫਿਲਮ ਵਿੱਚ ਅਦਾਕਾਰ ਨੇ ਜਾਸੂਸ ਦਾ ਕਿਰਦਾਰ ਅਦਾ ਕੀਤਾ ਹੈ। ਇਸ ਵਿੱਚ ਉਸ ਦਾ ਰੋਲ ਚੁਣੌਤੀ ਭਰਿਆ ਹੋਵੇਗਾ। ਯਸ਼ ਰਾਜ ਫਿਲਮਜ਼ ਦੀ ਅਗਲੀ ਪੇਸ਼ਕਸ਼ ਦੀ ਦਰਸ਼ਕਾਂ ਨੂੰ ਬੇਸਬਰੀ ਨਾਲ ਉਡੀਕ ਹੈ ਤੇ ਨਿਰਮਾਤਾਵਾਂ ਨੂੰ ਫਿਲਮ ਤੋਂ ਵੱਡੀਆਂ ਉਮੀਦਾਂ ਹਨ। ਇਹ ਫਿਲਮ ਇਸ ਸਾਲ ਦੀਵਾਲੀ ਮੌਕੇ ਰਿਲੀਜ਼ ਹੋਵੇਗੀ। ਯਸ਼ ਰਾਜ ਬੈਨਰ ਦੀ ਜਾਸੂਸੀ ’ਤੇ ਆਧਾਰਤ ਲੜੀ ਦੀ ਪੰਜਵੀਂ ਫਿਲਮ ਹੈ। ਇਸ ਵਾਰ ਦਰਸ਼ਕ ਕੁਝ ਨਵਾਂ ਤੇ ਵੱਡਾ ਦੇਖਣ ਲਈ ਕਾਹਲੇ ਹਨ। ਇਸ ਬੈਨਰ ਵੱਲੋਂ ਬਣਾਈਆਂ ਗਈਆਂ ਫਿਲਮਾਂ ਵਿੱਚ ‘ਟਾਈਗਰ ਜ਼ਿੰਦਾ ਹੈ’, ‘ਵਾਰ’, ‘ਪਠਾਨ’ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਜਾਸੂਸਾਂ ਦੀਆਂ ਕਹਾਣੀਆਂ ਦਿਖਾਈਆਂ ਗਈਆਂ ਹਨ। ਯਸ਼ ਰਾਜ ਬੈਨਰ ਨੇ ਦਾਅਵਾ ਕੀਤਾ ਹੈ ਕਿ ਜੋ ਇਨ੍ਹਾਂ ਦੀ ਸੀਰੀਜ਼ ਵਿਚ ਦਿਖਾਇਆ ਜਾਵੇਗਾ, ਉਹ ਦਰਸ਼ਕਾਂ ਨੇ ਪਹਿਲਾਂ ਕਦੇ ਵੀ ਸਕਰੀਨ ’ਤੇ ਨਹੀਂ ਦੇਖਿਆ ਹੋਵੇਗਾ। ਟਾਈਗਰ-3 ਵਿੱਚ ਸਲਮਾਨ ਖਾਨ ਨਾਲ ਕੈਟਰੀਨਾ ਕੈਫ ਵੀ ਨਜ਼ਰ ਆਵੇਗੀ। -ਆਈਏਐੱਨਐੱਸ