ਹਰਬਲ ਤੇ ਮੈਡੀਸਨਲ ਪਲਾਂਟਸ ਬਾਰੇ ਵਰਕਸ਼ਾਪ

ਚੰਡੀਗੜ੍ਹ:

ਇੱਥੋਂ ਦੇ ਐਨਆਈਟੀਟੀਆਰ ਵਿੱਚ ਉੱਤਰੀ ਭਾਰਤ ਲਈ ਮੈਡੀਸਨਲ ਤੇ ਹਰਬਲ ਪਲਾਂਟਸ ਦੀ ਗੁਣਵੱਤਾ ਦੀ ਚਰਚਾ ਲਈ ਦੋ ਰੋਜ਼ਾ ਵਰਕਸ਼ਾਪ ਅੱਜ ਸਮਾਪਤ ਹੋੋਈ। ਇਹ ਵਰਕਸ਼ਾਪ ਪ੍ਰੋ. ਯੂਐੱਨ ਰਾਏ ਦੀ ਅਗਵਾਈ ਵਿੱਚ ਸਮਾਪਤ ਹੋਈ। ਇਸ ਮੌਕੇ ਆਈਏਐੱਸ ਐੱਮਐੱਸ ਕੈਂਥ, ਡਾ. ਤਾਰਾ ਸੇਨ, ਜਗਵੀਰ ਸਿੰਘ, ਮੋਹਨ ਸਿੰਘ ਬਿਸ਼ਟ ਅਤੇ ਉੱਘੇ ਕਿਸਾਨ ਰਮੇਸ਼ ਚੌਹਾਨ ਅਤੇ ਅਰੁਣ ਚੰਦਨ ਸ਼ਾਮਲ ਹੋਏ। ਇਸ ਮੌਕੇ ਡਾ. ਰਾਏ ਨੇ ਸਫਲ ਖੇਤੀ ਦੀਆਂ ਕਹਾਣੀਆਂ ਨੂੰ ਦਸਤਾਵੇਜ਼ੀ ਜ਼ਰੀਏ ਬਣਾਉਣ ਅਤੇ ਦੂਜਿਆਂ ਨੂੰ ਪ੍ਰੇਰਿਤ ਕਰਨ ਲਈ ਸੋਸ਼ਲ ਮੀਡੀਆ ਰਾਹੀਂ ਸਾਂਝਾ ਕਰਨ ਦੀ ਲੋੜ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨਿਟਰ ਦੇ ਕਈ ਪ੍ਰਾਜੈਕਟਾਂ ਬਾਰੇ ਦੱਸਿਆ। -ਟਨਸ