ਜਾਗਰੂਕਤਾ ਹੋਰਡਿੰਗ ਲਗਾਉਣ ਦਾ ਕੰਮ ਸ਼ੁਰੂ

ਪੱਤਰ ਪ੍ਰੇਰਕ
ਰਤੀਆ, 26 ਦਸੰਬਰ
ਹਰਿਆਣਾ ਪੁਲੀਸ ਵੱਲੋਂ ਐਮਰਜੈਂਸੀ ਸੇਵਾਵਾਂ ਤਹਿਤ ਸ਼ੁਰੂ ਕੀਤੀ ਗਈ ਸਹਾਇਤਾ 112 ਦੀਆਂ ਸੇਵਾਵਾਂ ਨੂੰ ਅੱਗੇ ਵਧਾਉਣ ਲਈ ਸੂਬੇ ਦੇ ਸਾਰੇ ਸ਼ਹਿਰਾਂ ਅਤੇ ਪੇਂਡੂ ਖੇਤਰਾਂ ਵਿਚ ਜਾਗਰੂਕਤਾ ਹੋਰਡਿੰਗ ਲਗਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਤਾਂ ਕਿ ਆਮ ਲੋਕਾਂ ਦੇ ਨਾਲ-ਨਾਲ ਇਕੱਲੇ ਯਾਤਰਾ ਕਰਨ ਵਾਲੀਆਂ ਔਰਤਾਂ ਵੀ ਆਪਣੀ ਸੁਰੱਖਿਆ ਨੂੰ ਲੈ ਕੇ ਸਹਾਇਤਾ ਪ੍ਰਾਪਤ ਕਰ ਸਕਣ। ਪੁਲੀਸ ਵਿਭਾਗ ਦੇ ਪੰਚਕੂਲਾ ਮੁੱਖ ਦਫਤਰ ਤੋਂ ਅੱਜ ਵਿਸ਼ੇਸ਼ ਟੀਮ ਰਤੀਆ ਪਹੁੰਚੀ। ਇਸ ਟੀਮ ਨੇ ਸਭ ਤੋਂ ਪਹਿਲਾਂ ਸ਼ਹਿਰ ਥਾਣਾ ਇੰਚਾਰਜ ਰਣਜੀਤ ਸਿੰਘ ਦੇ ਨਾਲ ਮੁਲਾਕਾਤ ਕਰਦੇ ਹੋਏ ਮੁੱਖ ਦਫਤਰ ਦੀ ਲੋਕੇਸ਼ਨ ਤਹਿਤ ਪੁਲੀਸ ਸਹਾਇਤਾ 112 ਦੇ ਜਾਗਰੂਕ ਹੋਰਡਿੰਗ ਲਗਾਉਣ ਦੀ ਜਾਣਕਾਰੀ ਦਿੱਤੀ। ਥਾਣਾ ਇੰਚਾਰਜ ਦੀ ਦੇਖ ਰੇਖ ਵਿਚ ਸੰਜੇ ਗਾਂਧੀ ਚੌਕ ਅਤੇ ਹੋਰ ਜਨਤਕ ਇਲਾਕਿਆਂ ਵਿਚ ਹੋਰਡਿੰਗ ਲਗਾਏ ਗਏ।