ਪਿਤਾ ਵੱਲੋਂ ਝਿਡ਼ਕਣ ’ਤੇ ਨੌਜਵਾਨ ਨੇ ਫਾਹਾ ਲਿਆ
09:56 AM Jul 04, 2023 IST
Advertisement
ਪੱਤਰ ਪ੍ਰੇਰਕ
ਟੋਹਾਣਾ, 3 ਜੁਲਾਈ
ਪਿੰਡ ਬੈਜਲਪੁਰ ਵਿੱਚ ਅੱਜ ਇੱਕ ਨਾਬਾਲਗ ਨੇ ਆਪਣੇ ਘਰ ’ਚ ਫਾਹਾ ਲੈ ਕੇ ਜਾਨ ਦੇ ਦਿੱਤੀ। ਮ੍ਰਿਤਕ ਦੀ ਪਛਾਣ ਕੌਸ਼ਲ (17) ਵਜੋਂ ਹੋਈ ਹੈ। ਉਹ 12ਵੀਂਂ ਜਮਾਤ ਦਾ ਵਿਦਿਆਰਥੀ ਸੀ। ਪਿਤਾ ਮੁਤਾਬਕ ਉਸ ਨੇ ਕੌਸ਼ਲ ਨੂੰ ਘੱਟ ਖੇਡਣ ਅਤੇ ਪੜ੍ਹਾਈ ਵੱਲ ਜ਼ਿਆਦਾ ਧਿਆਨ ਦੇਣ ਲਈ ਝਿਡ਼ਕਿਆ ਸੀ। ਜਾਣਕਾਰੀ ਅਨੁਸਾਰ ਅੱਜ ਕੌਸ਼ਲ ਦੇ ਪਿਤਾ ਸੁਰਜੀਤ ਅਤੇ ਮਾਤਾ ਕੰਮ ’ਤੇ ਚਲੇ ਗਏ। ਕੁੱਝ ਦੇਰ ਬਾਅਦ ਉਸ ਦੀ ਛੋਟੀ ਭੈਣ ਨੇ ਭਰਾ ਕੌਸ਼ਲ ਨੂੰ ਆਵਾਜ਼ਾਂ ਮਾਰੀਆਂ ਤਾਂ ਉਸ ਨੇ ਕੋਈ ਆਵਾਜ਼ ਨਾ ਦਿੱਤੀ। ਉਸ ਨੇ ਜਦੋਂ ਉਪਰ ਜਾ ਕੇ ਦੇਖਿਆ ਤਾਂ ਉਥੇ ਉਸ ਦੀ ਲਾਸ਼ ਲਟਕ ਰਹੀ ਸੀ। ਇਸ ਮਗਰੋਂ ਤੁਰੰਤ ਉਸ ਨੇ ਆਪਣੇ ਮਾਤਾ-ਪਿਤਾ ਨੂੰ ਫੋਨ ਕੀਤਾ ਅਤੇ ਉਨ੍ਹਾਂ ਇਸ ਦੀ ਸੂਚਨਾ ਪੁਲੀਸ ਨੂੰ ਦਿੱਤੀ। ਪੁਲੀਸ ਨੇ ਮੌਕੇ ’ਤੇ ਪੁੱਜ ਕੇ ਤੇ ਲਾਸ਼ ਕਬਜ਼ੇ ’ਚ ਲੈਣ ਮਗਰੋਂ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤੀ ਹੈ।
Advertisement
Advertisement