ਭਾਜਪਾ ਦੇ ਦਫ਼ਤਰ ‘ਬਰਾਤ’ ਲੈ ਕੇ ਪੁੱਜੇ ਬੇਰੁਜ਼ਗਾਰ

ਪੱਤਰ ਪ੍ਰੇਰਕ
ਜੀਂਦ, 14 ਅਪਰੈਲ
ਸੀਈਟੀ ਦੀ ਭਰਤੀ ਨੂੰ ਲੈ ਕੇ ਬੇਰੁਜ਼ਗਾਰ ਨੌਜਵਾਨ ਬੈਂਡ-ਬਾਜੇ ਨਾਲ ਇੱਥੇ ਭਾਜਪਾ ਦੇ ਦਫ਼ਤਰ ਬਰਾਤ ਲੈ ਕੇ ਪਹੁੰਚੇ। ਇਥੇ ਉਨ੍ਹਾਂ ਨੇ ਭਾਜਪਾ ਦੇ ਆਗੂਆਂ ਨੂੰ ਆਪਣਾ ਮੰਗ ਪੱਤਰ ਸੌਂਪਿਆ। ਇਸ ਤੋਂ ਪਹਿਲਾਂ ਬੇਰੁਜ਼ਗਾਰੀ ਦੀ ਮਾਰ ਝੱਲ ਰਹੇ ਹਜ਼ਾਰਾਂ ਬੇਰੁਜ਼ਗਾਰਾਂ ਨੇ ਜਾਟ ਧਰਮਸ਼ਾਲਾ ਵਿੱਚ ਇਕੱਠੇ ਹੋ ਕੇ ਸਰਕਾਰ ਨੂੰ ਜਗਾਉਣ ਲਈ ਸ਼ਹਿਰ ਵਿੱਚ ਰੋਸ ਪ੍ਰਦਰਸ਼ਨ ਕੀਤਾ। ਇਸ ਮੌਕੇ ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਪਿਛਲੇ ਚਾਰ ਸਾਲਾਂ ਤੋਂ ਹਰਿਆਣਾ ਵਿੱਚ ਸਰਕਾਰੀ ਪੱਕੀ ਭਰਤੀਆਂ ਨਹੀਂ ਹੋ ਰਹੀਆਂ। ਇੱਥੋਂ ਤੱਕ ਕਿ ਪਟਵਾਰੀ ਅਤੇ ਗ੍ਰਾਮ ਸਕੱਤਰ ਦੀ ਭਰਤੀ ਜੋ ਲਗਾਤਾਰ ਪਿਛਲੇ 10 ਸਾਲਾਂ ਤੋਂ ਅਟਕੀ ਪਈ ਹੈ ਅਤੇ ਉਸਦਾ ਪੈਪਰ ਵੀ 7 ਅਗਸਤ ਨੂੰ ਹੋ ਚੁੱਕਿਆ ਹੈ ਪਰ ਅਜੇ ਤੱਕ ਉਸ ਦਾ ਫਾਈਨਲ ਰਿਜ਼ਲਟ ਨਹੀਂ ਕੱਢਿਆ ਗਿਆ। ਉਨ੍ਹਾਂ ਨੇ ਮੰਗ ਕੀਤੀ ਕਿ ਸਰਕਾਰ ਜਲਦੀ ਤੋਂ ਜਲਦੀ ਇਨ੍ਹਾਂ ਨੌਕਰੀਆਂ ਵੱਲ ਧਿਆਨ ਦੇਵੇ।