ਟੋਕੀਓ ਹਵਾਈ ਅੱਡੇ ’ਤੇ ਦੋ ਜਹਾਜ਼ ਟਕਰਾਏ, ਜਾਨੀ ਨੁਕਸਾਨ ਤੋਂ ਬਚਾਅ

ਟੋਕੀਓ, 10 ਜੂਨ

ਟੋਕੀਓ ਦੇ ਪ੍ਰਮੁੱਖ ਹਵਾਈ ਅੱਡੇ ‘ਤੇ ਅੱਜ ਸਵੇਰੇ ਦੋ ਯਾਤਰੀ ਜਹਾਜ਼ ਗਲਤੀ ਨਾਲ ਇੱਕ ਦੂਜੇ ਨਾਲ ਟਕਰਾ ਗਏ। ਹਾਲਾਂਕਿ ਇਸ ਘਟਨਾ ‘ਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ ਹੈ। ਜਪਾਨੀ ਮੀਡੀਆ ਦੇ ਅਨੁਸਾਰ ਬੈਂਕਾਕ (ਥਾਈਲੈਂਡ) ਜਾ ਰਹੀ ਥਾਈ ਏਅਰਵੇਜ਼ ਇੰਟਰਨੈਸ਼ਨਲ ਫਲਾਈਟ ਹੈਨੇਦਾ ਹਵਾਈ ਅੱਡੇ ‘ਤੇ ਤਾਈਪੇ (ਤਾਇਵਾਨ) ਜਾ ਰਹੀ ਈਵੀਏ ਏਅਰਵੇਜ਼ ਦੀ ਉਡਾਣ ਨਾਲ ਟਕਰਾ ਗਈ, ਜਿਸ ਤੋਂ ਬਾਅਦ ਅਧਿਕਾਰੀਆਂ ਨੇ ਰਨਵੇਅ ਨੂੰ ਬੰਦ ਕਰ ਦਿੱਤਾ।