ਵਟਸਐਪ ਰਾਹੀਂ ਖਾਣਾ ਆਰਡਰ ਕਰ ਸਕਣਗੇ ਰੇਲ ਯਾਤਰੀ

ਨਵੀਂ ਦਿੱਲੀ: ਰੇਲ ਯਾਤਰੀ ਛੇਤੀ ਹੀ ਵਟਸਐਪ ਨੰਬਰ ਰਾਹੀਂ ਖਾਣਾ ਆਰਡਰ ਕਰਨ ਦੇ ਯੋਗ ਹੋ ਜਾਣਗੇ। ਜ਼ਿਕਰਯੋਗ ਹੈ ਕਿ ਭਾਰਤੀ ਰੇਲਵੇ ਕੈਟਰਿੰਗ ਤੇ ਟੂਰਿਜ਼ਮ ਕਾਰਪੋਰੇਸ਼ਨ (ਆਈਆਰਸੀਟੀਸੀ) ਪਹਿਲਾਂ ਹੀ ਵਟਸਐਪ ਨੰਬਰ 91 8750001323 ਰਾਹੀਂ ਕੁਝ ਰੂਟਾਂ ‘ਤੇ ਖਾਣਾ ਡਿਲਿਵਰੀ ਕਰ ਰਿਹਾ ਹੈ। ਰੇਲਵੇ ਨੇ ਸੋਮਵਾਰ ਨੂੰ ਜਾਰੀ ਕੀਤੇ ਬਿਆਨ ਵਿੱਚ ਦੱਸਿਆ ਕਿ ਵਟਸਐਪ ‘ਤੇ ਖਾਣਾ ਆਰਡਰ ਕਰਨ ਦੀ ਸੁਵਿਧਾ ਸਿਰਫ ਚੋਣਵੀਆਂ ਰੇਲਗੱਡੀਆਂ ਅਤੇ ਯਾਤਰੀਆਂ ‘ਤੇ ਲਾਗੂ ਹੋਵੇਗੀ। -ਪੀਟੀਆਈ