ਕਾਰ ਖੋਹ ਕੇ ਫਰਾਰ ਹੋਣ ਵਾਲੇ ਕਾਬੂ

ਪੱਤਰ ਪ੍ਰੇਰਕ
ਖਰੜ, 22 ਜੂਨ
ਪੁਲੀਸ ਨੇ 19 ਜੂਨ ਦੀ ਰਾਤ ਨੂੰ ਕੁਸ਼ ਯਾਦਵ ਵਾਸੀ ਚੰਡੀਗੜ੍ਹ ਤੋਂ ਕਾਰ ਖੋਹ ਕੇ ਫਰਾਰ ਹੋਣ ਵਾਲੇ 4 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਸਬੰਧੀ ਖਰੜ ਦੇ ਡੀਐੱਸਪੀ ਕਰਨ ਸਿੰਘ ਸੰਧੂ ਨੇ ਦੱਸਿਆ ਕਿ 19 ਜੂਨ ਦੀ ਰਾਤ ਨੂੰ ਅਣਪਛਾਤੇ ਵਿਅਕਤੀਆਂ ਨੇ ਪਿੰਡ ਭਾਗੋਮਾਜਰਾ ਤੋਂ ਪਿੰਡ ਪੀਰ ਸੁਹਾਣਾ ਜਾਂਦੇ ਰੋਡ ’ਤੇ ਕੁਸ਼ ਯਾਦਵ ਵਾਸੀ ਚੰਡੀਗੜ੍ਹ ਦੀ ਕਾਰ ਖੋਹ ਲਈ ਸੀ। ਇਸ ਸਬੰਧੀ ਘੜੂੰਆਂ ਪੁਲੀਸ ਵੱਲੋਂ 20 ਜੂਨ ਨੂੰ ਧਾਰਾ 379 ਬੀ ਅਤੇ 34 ਆਈਪੀਸੀ ਅਧੀਨ ਕੇਸ ਦਰਜ ਕੀਤਾ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਮੁੱਖ ਅਫਸਰ ਥਾਣਾ ਘੜੂੰਆਂ ਨੇ ਕੁਝ ਹੀ ਘੰਟਿਆਂ ਵਿਚ ਇਹ ਕਾਰ ਬਰਾਮਦ ਕਰ ਕੇ ਚਾਰ ਮੁਲਜ਼ਮਾਂ ਅੰਮ੍ਰਿਤਪਾਲ ਸ਼ਰਮਾ, ਧਰਮਿੰਦਰ ਸ਼ਰਮਾ, ਹਰਪ੍ਰੀਤ ਸਿੰਘ, ਅਤੇ ਹਰਜੀਤ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।