ਬਬਿਆਲ ਦੇ ਨੌਜਵਾਨ ਨੇ ਫਾਹਾ ਲਿਆ
06:21 AM Mar 29, 2024 IST
Advertisement
ਨਿੱਜੀ ਪੱਤਰ ਪ੍ਰੇਰਕ
ਅੰਬਾਲਾ, 28 ਮਾਰਚ
ਬਬਿਆਲ (ਅੰਬਾਲਾ ਕੈਂਟ) ਪਿੰਡ ਵਿਚ ਇਕ ਨੌਜਵਾਨ ਨੇ ਪੱਖੇ ਨਾਲ ਫਾਹਾ ਲੈ ਲਿਆ। ਮ੍ਰਿਤਕ ਦੀ ਪਛਾਣ ਅਰੁਣ ਰਾਣਾ (32) ਪੁੱਤਰ ਰਣਜੀਤ ਰਾਜਪੂਤ ਵਜੋਂ ਹੋਈ ਹੈ। ਮਹੇਸ਼ ਨਗਰ ਪੁਲੀਸ ਨੇ ਪੋਸਟ ਮਾਰਟਮ ਕਰਵਾ ਕੇ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ ਹੈ। ਘਰ ਵਾਲਿਆਂ ਨੇ ਉਸ ਨੂੰ ਸਵੇਰੇ ਪੰਜ ਵਜੇ ਪੱਖੇ ਨਾਲ ਲਟਕਦਿਆਂ ਦੇਖਿਆ ਅਤੇ ਮਹੇਸ਼ ਨਗਰ ਪੁਲੀਸ ਨੂੰ ਸੂਚਿਤ ਕੀਤਾ। ਪੁਲੀਸ ਨੇ ਮੌਕੇ ’ਤੇ ਪਹੁੰਚ ਕੇ ਲਾਸ਼ ਕਬਜ਼ੇ ਵਿਚ ਲਈ ਅਤੇ ਪੋਸਟ ਮਾਰਟਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤੀ। ਜਾਣਕਾਰੀ ਅਨੁਸਾਰ ਅਰੁਣ ਦਾ ਨਵੰਬਰ 2023 ਵਿਚ ਕਰਨਾਲ ਦੇ ਪਿੰਡ ਗੋਂਦਰ ਦੀ ਲੜਕੀ ਨਾਲ ਵਿਆਹ ਹੋਇਆ ਸੀ ਅਤੇ ਉਹ ਪੇਕੇ ਗਈ ਹੋਈ ਸੀ।
Advertisement
Advertisement