ਰੰਜਿਸ਼ ਕਾਰਨ ਨੌਜਵਾਨ ਦੇ ਗੋਲੀ ਮਾਰੀ

ਫਿਲੌਰ: ਆਪਸੀ ਰੰਜਿਸ਼ ਕਾਰਨ ਚੱਲੀ ਗੋਲੀ ਕਾਰਨ ਇੱਕ ਨੌਜਵਾਨ ਜ਼ਖ਼ਮੀ ਹੋ ਗਿਆ। ਲੱਕ ’ਚ ਗੋਲੀ ਲੱਗਣ ਉਪਰੰਤ ਸੰਜੂ ਪੁੱਤਰ ਕਾਲਾ ਮਸੀਹ ਵਾਸੀ ਉੱਚੀ ਘਾਟੀ ਨੂੰ ਸਥਾਨਕ ਸਿਵਲ ਹਸਪਤਾਲ ’ਚ ਮੁੱਢਲੀ ਸਹਾਇਤਾ ਦੇਣ ਮਗਰੋਂ ਜਲੰਧਰ ਦੇ ਸਿਵਲ ਹਸਪਤਾਲ ਰੈਫਰ ਕਰ ਦਿੱਤਾ। ਜ਼ਖ਼ਮੀ ਸੰਜੂ ਦੇ ਮਾਸੀ ਦੇ ਲੜਕੇ ਨੇ ਦੱਸਿਆ ਕਿ ਉਹ ਅਦਾਲਤ ’ਚ ਤਰੀਕ ਭੁਗਤ ਕੇ ਆਏ ਸਨ ਤਾਂ ਸ਼ਿਵਾ ਨਾਂ ਦੇ ਨੌਜਵਾਨ ਨੇ ਕਥਿਤ ਤੌਰ ’ਤੇ ਗੋਲੀ ਚਲਾ ਦਿੱਤੀ। ਮੁਰਜ਼ਮ ਦੀ ਮਾਤਾ ਨੇ ਕਿਹਾ ਕਿ ਉਸ ਦਾ ਪੁੱਤਰ ਬੇਕਸੂਰ ਹੈ। ਇਸ ਘਟਨਾ ’ਚ ਦੋ ਫਾਇਰ ਹੋਏ ਦੱਸੇ ਜਾਂਦੇ ਹਨ, ਜਿਸ ’ਚੋਂ ਇਕ ਗੋਲੀ ਕੰਧ ’ਚ ਲੱਗੀ ਹੈ। -ਪੱਤਰ ਪ੍ਰੇਰਕ