ਚੋਰ ਨੂੰ ਗੋਲੀ ਮਾਰ ਕੇ ਜ਼ਖ਼ਮੀ ਕੀਤਾ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 16 ਨਵੰਬਰ
ਥਾਣਾ ਜੋਧੇਵਾਲ ਦੇ ਇਲਾਕੇ ਨਗਿੰਦਰ ਨਗਰ ਵਿੱਚ ਇੱਕ ਵਿਅਕਤੀ ਨੇ ਆਪਣਾ ਟਰੈਕਟਰ ਚੋਰੀ ਕਰ ਕੇ ਲਿਜਾ ਰਹੇ ਵਿਅਕਤੀ ’ਤੇ ਗੋਲੀ ਚਲਾ ਕੇ ਉਸ ਨੂੰ ਜ਼ਖ਼ਮੀ ਕਰ ਦਿੱਤਾ। ਜ਼ਖ਼ਮੀ ਵਿਅਕਤੀ ਨੂੰ ਲੋਕਾਂ ਨੇ ਪੁਲੀਸ ਹਵਾਲੇ ਕੀਤਾ। ਇਸ ਸਬੰਧੀ ਟਰੈਕਟਰ ਦੇ ਮਾਲਕ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਉਸ ਦਾ ਟਰੈਕਟਰ ਸਮੇਤ ਟਰਾਲੀ ਘਰ ਦੇ ਪਿਛਲੇ ਪਾਸੇ ਖੜ੍ਹਾ ਸੀ। ਸਵੇਰੇ 3.35 ’ਤੇ ਉਸ ਨੇ ਵੇਖਿਆ ਕਿ ਟਰੈਕਟਰ ਉਥੇ ਨਹੀਂ ਸੀ। ਉਸ ਨੇ ਭਾਲ ਕੀਤੀ ਤਾਂ ਵਿਸ਼ਾਲ ਵਾਸੀ ਪਿੰਡ ਖੋਜੇਵਾਲ ਟਰੈਕਟਰ ਚੋਰੀ ਕਰ ਕੇ ਲਿਜਾ ਰਿਹਾ ਸੀ। ਸੰਜੀਵ ਨੇ ਪਿੱਛਾ ਕਰਕੇ ਆਪਣੇ ਲਾਇਸੰਸੀ ਰਿਵਾਲਵਰ ਨਾਲ ਟਰੈਕਟਰ ਦੇ ਪਿਛਲੇ ਟਾਇਰ ਵੱਲ ਫਾਇਰ ਕੀਤਾ, ਜੋ ਵਿਸ਼ਾਲ ਦੀ ਸੱਜੀ ਲੱਤ ਦੇ ਗਿੱਟੇ ’ਚ ਵੱਜਿਆ। ਜ਼ਖ਼ਮੀ ਮੁਲਜ਼ਮ ਨੂੰੂ ਲੋਕਾਂ ਨੇ ਕਾਬੂ ਕਰਕੇ ਪੁਲੀਸ ਹਵਾਲੇ ਕੀਤਾ।