ਨੰਗਲ ਫੀਦਾ ਦੇ ਨੌਜਵਾਨ ਦੀ ਕੈਨੇਡਾ ’ਚ ਭੇਤ-ਭਰੀ ਮੌਤ

ਪੱਤਰ ਪ੍ਰੇਰਕ
ਜਲੰਧਰ, 27 ਜੁਲਾਈ
ਪਿੰਡ ਨੰਗਲ ਫੀਦਾ ਦੇ ਨੌਜਵਾਨ ਦੀ ਕੈਨੇਡਾ ਦੇ ਸ਼ਹਿਰ (ਬਰੈਂਪਟਨ) ਵਿੱਚ ਭੇਤਭਰੀ ਹਾਲਤ ’ਚ ਮੌਤ ਹੋ ਗਈ। ਮ੍ਰਿਤਕ ਦੇ ਭਰਾ ਨੰਬਰਦਾਰ ਕਰਮਵੀਰ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਭੁਪਿੰਦਰ ਸਿੰਘ ਰੰਧਾਵਾ (38) ਪੁੱਤਰ ਕੁਲਦੀਪ ਸਿੰਘ ਵਾਸੀ ਨੰਗਲ ਫੀਦਾ 2013 ਵਿਚ ਕੈਨੇਡਾ ਗਿਆ ਸੀ। ਉਨ੍ਹਾਂ ਨੂੰ ਅੱਜ ਸਵੇਰੇ ਕੈਨੇਡਾ ਤੋਂ ਪਰਿਵਾਰ ਮੈਂਬਰਾਂ ਦਾ ਫੋਨ ਆਇਆ ਜਿਨ੍ਹਾਂ ਨੇ ਕਿਹਾ ਕਿ ਭੁਪਿੰਦਰ ਸਿੰਘ ਘਰ ਤੋਂ ਆਪਣੀ ਗੱਡੀ ਵਿੱਚ ਘਰ ਦਾ ਸਾਮਾਨ ਲੈਣ ਲਈ ਸਟੋਰ ਗਿਆ ਸੀ ਪਰ ਵਾਪਸ ਨਹੀਂ ਆਇਆ ਨਾ ਹੀ ਫੋਨ ਚੁੱਕ ਰਿਹਾ ਹੈ। ਸਟੋਰ ਤੋਂ ਪਤਾ ਕਰਨ ਉਪਰੰਤ ਉਨ੍ਹਾਂ ਤੁਰੰਤ ਕੈਨੇਡਾ ਪੁਲੀਸ ਨੂੰ ਫੋਨ ਕੀਤਾ ਜਿਨ੍ਹਾਂ ਵਲੋਂ ਜਾਂਚ ਕਰਨ ’ਤੇ ਸੜਕ ਕਿਨਾਰੇ ਉਸ ਦੀ ਗੱਡੀ ਮਿਲੀ ਜਿਸ ਵਿੱਚ ਭੁਪਿੰਦਰ ਮ੍ਰਿਤਕ ਮਿਲਿਆ।