ਪਰਵਾਸੀ ਮਜ਼ਦੂਰ ਨੇ ਫਾਹਾ ਲਿਆ

ਪੱਤਰ ਪ੍ਰੇਰਕ
ਪਾਇਲ, 4 ਜੁਲਾਈ
ਰਾੜਾ ਸਾਹਿਬ ਵਿਖੇ ਇੱਕ ਪਰਵਾਸੀ ਵਿਅਕਤੀ ਨੇ ਲੰਘੀ ਰਾਤ ਨਹਿਰ ਦੇ ਕੰਢੇ ਕਟਾਹਰੀ ਰੋਡ ’ਤੇ ਖੜ੍ਹੇ ਦਰੱਖਤ ਨਾਲ ਚੁੰਨੀ ਬੰਨ੍ਹ ਕੇ ਫਾਹਾ ਲੈ ਲਿਅਾ। ਇਸ ਬਾਰੇ ਕਿਸੇ ਰਾਹਗੀਰ ਨੇ ਪੁਲੀਸ ਦੇ ਕੰਟਰੋਲ ਰੂਮ ’ਤੇ ਇਸ ਦੀ ਸੂਚਨਾ ਦਿੱਤੀ ਸੀ। ਜਿਸ ’ਤੇ ਪਾਇਲ ਪੁਲੀਸ ਦੇ ਸਬ ਇੰਸਪੈਕਟਰ ਅਜਮੇਰ ਸਿੰਘ ਨੇ ਆਪਣੀ ਟੀਮ ਸਮੇਤ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਲਿਆ। ਲਲਿਤਾ ਦੇਵੀ ਨੇ ਦੱਸਿਆ ਕਿ ੳੁਸ ਦਾ ਪਤੀ ਪਵਨ ਵਾਸੀ ਕਥਾ ਪਾਇਨਗਰ (ਬਿਹਾਰ) ਤੋਂ 6 ਮਹੀਨੇ ਪਹਿਲਾਂ ਉਸ ਨੂੰ ਆਪਣੇ ਬੇਟੀ ਅਤੇ ਬੇਟੇ ਸਣੇ ਮੇਰੇ ਬੇਟੇ ਅਤੇ ਬੇਟੀ ਨੂੰ ਨਾਲ ਲੈ ਕੇ ਰੁਜ਼ਗਾਰ ਦੀ ਭਾਲ ’ਚ ਪੰਜਾਬ ਆਇਆ ਅਤੇ ਹੁਣ ਖੇਤਾਂ ਵਿੱਚ ਝੋਨਾ ਲਗਾਉਣ ਦਾ ਕੰਮ ਕਰਦਾ ਸੀ। ਲਲਿਤਾ ਦੇਵੀ ਨੇ ਦੱਸਿਆ ਕਿ ਉਸਦਾ 5 ਸਾਲ ਦਾ ਬੇਟਾ ਵੀ ਕਈ ਦਿਨਾਂ ਤੋਂ ਗੁੰਮ ਹੈ।