ਜੰਮੂ-ਸ੍ਰੀਨਗਰ ਸ਼ਾਹਰਾਹ ਦੋ ਦਨਿਾਂ ਮਗਰੋਂ ਖੁੱਲ੍ਹਿਆ

ਬਨਿਹਾਲ/ਜੰਮੂ, 22 ਅਗਸਤ

ਮੋਹਲੇਧਾਰ ਮੀਂਹ ਮਗਰੋਂ ਢਿੱਗਾਂ ਡਿੱਗਣ ਕਾਰਨ ਪਿਛਲੇ ਦੋ ਦਨਿਾਂ ਤੋਂ ਬੰਦ ਪਿਆ 270 ਕਿਲੋਮੀਟਰ ਲੰਬਾ ਜੰਮੂ-ਸ੍ਰੀਨਗਰ ਕੌਮੀ ਸ਼ਾਹਰਾਹ ਅੱਜ ਦੁਬਾਰਾ ਆਵਾਜਾਈ ਲਈ ਖੋਲ੍ਹ ਦਿੱਤਾ ਗਿਆ ਹੈ। ਊਧਮਪੁਰ ਅਤੇ ਬਨਿਹਾਲ ਵਿਚਕਾਰ ਦਰਜਨਾਂ ਥਾਵਾਂ ’ਤੇ ਵੀਰਵਾਰ ਨੂੰ ਮਾਰਗ ਬੰਦ ਹੋਣ ਕਾਰਨ ਹਜ਼ਾਰਾਂ ਵਾਹਨ ਫਸ ਗਏ ਸਨ। ਡੀਐੱਸਪੀ ਅਜੈ ਆਨੰਦ ਨੇ ਦੱਸਿਆ ਕਿ ਰਾਜਮਾਰਗ ’ਤੇ ਇਕਤਰਫ਼ਾ ਟਰੈਫਿਕ ਨੂੰ ਸਵੇਰੇ 10 ਵਜੇ ਬਹਾਲ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਮੁਸਾਫ਼ਰ ਵਾਹਨਾਂ ਅਤੇ ਟਰੱਕਾਂ ਨੂੰ ਭੇਜਿਆ ਜਾ ਰਿਹਾ ਹੈ ਤਾਂ ਜੋ ਕਸ਼ਮੀਰ ਨੂੰ ਜ਼ਰੂਰੀ ਵਸਤਾਂ ਦੀ ਸਪਲਾਈ ਯਕੀਨੀ ਬਣਾਈ ਜਾ ਸਕੇ। ਉਨ੍ਹਾਂ ਕਿਹਾ ਕਿ ਕੁਝ ਕੁ ਥਾਵਾਂ ’ਤੇ ਪਹਾੜਾਂ ਤੋਂ ਵੱਡੇ ਪੱਥਰ ਡਿੱਗਣ ਕਰ ਕੇ ਸੜਕ ਆਵਾਜਾਈ ਬਹਾਲ ਕਰਨ ’ਚ ਕੁਝ ਦੇਰੀ ਹੋਈ। ਅਧਿਕਾਰੀ ਮੁਤਾਬਕ ਛੇਤੀ ਹੀ ਪੂਰੇ ਮਾਰਗ ਨੂੰ ਸਾਫ਼ ਕਰ ਕੇ ਦੋਵੇਂ ਪਾਸਿਆਂ ਤੋਂ ਆਵਾਜਾਈ ਸ਼ੁਰੂ ਕਰ ਦਿੱਤੀ ਜਾਵੇਗੀ। –ਪੀਟੀਆਈ