ਤਮਿਲ ਅਦਾਕਾਰ ‘ਡੈਲੀ’ ਗਣੇਸ਼ ਦਾ ਦੇਹਾਂਤ

ਚੇਨੱਈ: ਉੱਘੇ ਤਮਿਲ ਅਦਾਕਾਰ ‘ਡੈਲੀ’ ਗਣੇਸ਼ (80) ਦਾ ਸ਼ਨਿਚਰਵਾਰ ਰਾਤ ਨੂੰ ਦੇਹਾਂਤ ਹੋ ਗਿਆ। ਉਨ੍ਹਾਂ 400 ਤੋਂ ਵੱਧ ਫ਼ਿਲਮਾਂ ਵਿਚ ਯਾਦਗਾਰੀ ਭੂਮਿਕਾਵਾਂ ਨਿਭਾਈਆਂ। ਉਹ ਪਿਛਲੇ ਕੁਝ ਸਮੇਂ ਤੋਂ ਬਿਮਾਰ ਸਨ। ਗਣੇਸ਼ ਫ਼ਿਲਮਾਂ ਦੇ ਨਾਲ ਵੈੱਬਸੀਰੀਜ਼ ਵਿਚ ਵੀ ਸਰਗਰਮ ਸਨ। ਗਣੇਸ਼ ਦੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ 1960 ਵਿੱਚ ਹੋਈ ਸੀ ਜਦੋਂ ਉਨ੍ਹਾਂ ਨੇ ਦਿੱਲੀ ਵਿੱਚ ਨਾਟਕਾਂ ਵਿੱਚ ਛੋਟੀਆਂ-ਛੋਟੀਆਂ ਭੂਮਿਕਾ ਨਿਭਾਉਣੀਆਂ ਸ਼ੁਰੂ ਕੀਤੀਆਂ ਸਨ। ਦਿੱਲੀ ਵਿੱਚ ਉਨ੍ਹਾਂ ਇੱਕ ਦਹਾਕੇ ਤੱਕ ਗੈਰ-ਫੌਜੀ ਅਹੁਦੇ ’ਤੇ ਵੀ ਭਾਰਤੀ ਹਵਾਈ ਸੈਨਾ ਵਿੱਚ ਕੰਮ ਕੀਤਾ ਸੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਤਾਮਿਲ ਨਾਡੂ ਦੇ ਮੁੱਖ ਮੰਤਰੀ ਐੱਮਕੇ ਸਟਾਲਿਨ ਨੇ ਗਣੇਸ਼ ਦੇ ਦੇਹਾਂਤ ’ਤੇ ਦੁੱਖ ਪ੍ਰਗਟ ਕੀਤਾ ਹੈ। -ਪੀਟੀਆਈ