ਸੁਮਿਤ ਨਾਗਲ ਦੀ ਮਚਾਕ ਨਾਲ ਹੋਵੇਗੀ ਟੱਕਰ

ਮੈਲਬਰਨ:

ਭਾਰਤ ਦਾ ਸਿੰਗਲਜ਼ ਟੈਨਿਸ ਖਿਡਾਰੀ ਸੁਮਿਤ ਨਾਗਲ ਐਤਵਾਰ ਤੋਂ ਸ਼ੁਰੂ ਹੋ ਰਹੇ ਆਸਟਰੇਲੀਅਨ ਓਪਨ ਦੇ ਪਹਿਲੇ ਗੇੜ ਵਿੱਚ ਚੈੱਕ ਗਣਰਾਜ ਦੇ ਟੌਮਸ ਮਚਾਕ ਦਾ ਸਾਹਮਣਾ ਕਰੇਗਾ। 27 ਸਾਲਾ ਨਾਗਲ ਇਸ ਸਮੇਂ ਏਟੀਪੀ ਦਰਜਾਬੰਦੀ ਵਿੱਚ 96ਵੇਂ ਸਥਾਨ ’ਤੇ ਹੈ। ਉਸਨੇ ਚੋਟੀ ਦੇ 104 ਖਿਡਾਰੀਆਂ ਵਿੱਚ ਹੋਣ ਕਾਰਨ ਸੈਸ਼ਨ ਦੇ ਪਹਿਲੇ ਗਰੈਂਡ ਸਲੈਮ ਦੇ ਮੁੱਖ ਡਰਾਅ ਵਿੱਚ ਥਾਂ ਬਣਾ ਲਈ ਹੈ। ਹਰਿਆਣਾ ਦੇ ਇਸ ਖਿਡਾਰੀ ਨੇ ਪਿਛਲੇ ਸਾਲ ਆਸਟਰੇਲੀਅਨ ਓਪਨ ਦੇ ਪਹਿਲੇ ਦੌਰ ਵਿੱਚ ਕਜ਼ਾਕਿਸਤਾਨ ਦੇ ਅਲੈਗਜ਼ੈਂਡਰ ਬੁਬਲਿਕ ਨੂੰ ਹਰਾਇਆ ਸੀ। ਹਾਲਾਂਕਿ, ਉਹ ਅਗਲੇ ਗੇੜ ਵਿੱਚ ਚੀਨ ਦੇ ਜੁਨਚੇਂਗ ਸ਼ਾਂਗ ਤੋਂ ਹਾਰ ਗਿਆ ਸੀ। -ਪੀਟੀਆਈ