ਹਾਥਰਸ ਭਗਦੜ ਮਾਮਲੇ ਵਿੱਚ ਬਿਆਨ ਦਰਜ
06:59 AM Oct 11, 2024 IST
Advertisement
ਲਖਨਊ: ਹਾਥਰਸ ’ਚ ਸਤਿਸੰਗ ਦੌਰਾਨ ਮਚੀ ਭਗਦੜ ਦੇ ਮਾਮਲੇ ਦੀ ਜਾਂਚ ਲਈ ਬਣੇ ਜੁਡੀਸ਼ਲ ਕਮਿਸ਼ਨ ਅੱਗੇ ਅਖੌਤੀ ਸਾਧ ਸੂਰਜਪਾਲ ਉਰਫ਼ ‘ਭੋਲੇ ਬਾਬਾ’ ਅੱਜ ਪੇਸ਼ ਹੋਇਆ ਅਤੇ ਬਿਆਨ ਦਰਜ ਕਰਵਾਏ। ਹਾਥਰਸ ’ਚ 2 ਜੁਲਾਈ ਨੂੰ ਭਗਦੜ ਕਾਰਨ 121 ਵਿਅਕਤੀ ਮਾਰੇ ਗਏ ਸਨ। ਸਾਧ ਦੇ ਵਕੀਲ ਏਪੀ ਸਿੰਘ ਨੇ ਦੱਸਿਆ ਕਿ ਸੂਰਜਪਾਲ ਤੋਂ ਕਰੀਬ ਢਾਈ ਘੰਟਿਆਂ ਤੱਕ ਪੁੱਛ-ਪੜਤਾਲ ਕੀਤੀ ਗਈ। ਉਸ ਨੇ ਦੱਸਿਆ ਕਿ ਭਗਦੜ ਮਾਮਲੇ ਦੀ ਜਾਂਚ ਮੁਕੰਮਲ ਕਰਨ ਲਈ ਕਮਿਸ਼ਨ ਦੀ ਮਿਆਦ ਤਿੰਨ ਹੋਰ ਮਹੀਨੇ ਵਧਾ ਦਿੱਤੀ ਗਈ ਹੈ। ਵਕੀਲ ਨੇ ਦੱਸਿਆ ਕਿ ਮਾਮਲੇ ’ਚ 1,100 ਹਲਫ਼ਨਾਮੇ ਦਾਖ਼ਲ ਕੀਤੇ ਗਏ ਸਨ ਅਤੇ ਉਨ੍ਹਾਂ ਸਾਰਿਆਂ ਦੀ ਪੜਤਾਲ ਲਈ ਕੁਝ ਹੋਰ ਸਮਾਂ ਲੱਗੇਗਾ। -ਪੀਟੀਆਈ
Advertisement
Advertisement
Advertisement