ਮਾਤਾ ਹਰਦੇਈ ਸਕੂਲ ਵਿੱਚ ਖੇਡ ਸਮਾਗਮ

ਗੁਰਦੀਪ ਸਿੰਘ ਟੱਕਰ
ਮਾਛੀਵਾੜਾ, 26 ਨਵੰਬਰ
ਮਾਤਾ ਹਰਦੇਈ ਨੈਸ਼ਨਲ ਕਾਲਜੀਏਟ ਸੀਨੀਅਰ ਸੈਕੰਡਰੀ ਸਕੂਲ ਮਾਛੀਵਾੜਾ ਵਿੱਚ ਖੇਡ ਸਮਾਗਮ ਕਰਵਾਇਆ ਗਿਆ ਜਿਸ ਦੀ ਸ਼ੁਰੂਆਤ ਸਕੂਲ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸੁਰਿੰਦਰ ਕੁੰਦਰਾ, ਸਕੱਤਰ ਗੁਰਨਾਮ ਸਿੰਘ ਨਾਗਰਾ ਅਤੇ ਮੈਂਬਰ ਜੋਗਿੰਦਰਪਾਲ ਸਿੰਘ ਮੱਕੜ ਨੇ ਕਰਵਾਈ। ਇਨ੍ਹਾਂ ਮਹਿਮਾਨਾਂ ਦੀ ਰਹਿਨੁਮਾਈ ਹੇਠ ਵਿਦਿਆਰਥੀਆਂ ਨੇ ਮਾਰਚ ਪਾਸਟ ਕਰਦਿਆਂ ਪ੍ਰਬੰਧਕ ਕਮੇਟੀ ਨੂੰ ਸਲਾਮੀ ਦਿੱਤੀ ਜਿਸਦੀ ਅਗਵਾਈ ਵਿਦਿਆਰਥਣ ਪ੍ਰਾਚੀ ਨੇ ਕੀਤੀ। ਖੇਡ ਮੁਕਾਬਲਿਆਂ ’ਚ ਬੈਸਟ ਅਥਲੀਟ ਦੀਆਂ ਟਰਾਫੀਆਂ ਜੂਨੀਅਰ ਵਿੰਗ ’ਚੋਂ ਕੋਮਲਪ੍ਰੀਤ ਕਲਾਸ ਦਸਵੀਂ, ਸੀਨੀਅਰ ਵਿੰਗ ’ਚੋਂ ਪ੍ਰਾਚੀ ਰਾਣਾ ਅਤੇ ਅਨਾਮਿਕਾ ਕਲਾਸ ਬਾਰ੍ਹਵੀਂ ਨੇ ਪ੍ਰਾਪਤ ਕੀਤੀਆਂ। ਇਸ ਤੋਂ ਇਲਾਵਾ ਸੈਸ਼ਨ ਦੌਰਾਨ ਵਿਸ਼ੇਸ਼ ਪ੍ਰਾਪਤੀਆਂ ਹਾਸਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵੀ ਸਨਮਾਨਿਆ ਗਿਆ। ਪ੍ਰਿੰਸੀਪਲ ਪ੍ਰੋ. ਬਲਜੀਤ ਸਿੰਘ ਨੇ ਅਥਲੈਟਿਕ ਮੀਟ ਦੀ ਸਫ਼ਲਤਾ ਲਈ ਖੇਡ ਅਧਿਆਪਕ ਸੰਤੋਸ਼ ਗੁਪਤਾ ਦਾ ਵੀ ਧੰਨਵਾਦ ਕੀਤਾ।