ਸੁਕਮਾ ’ਚ ਚਾਰ ਨਕਸਲੀਆਂ ਸਣੇ ਛੇ ਗ੍ਰਿਫ਼ਤਾਰ

ਸੁਕਮਾ, 7 ਅਪਰੈਲ
ਛੱਤੀਸਗੜ੍ਹ ਦੇ ਸੁਕਮਾ ਜ਼ਿਲ੍ਹੇ ਵਿੱਚ ਚਾਰ ਨਕਸਲੀਆਂ ਅਤੇ ਉਨ੍ਹਾਂ ਦੇ ਦੋ ਸਮਰਥਕਾਂ ਨੂੰ ਗ੍ਰਿਫ਼ਤਾਰ ਕਰ ਕੇ ਉਨ੍ਹਾਂ ਕੋਲੋਂ ਧਮਾਕਾਖੇਜ਼ ਸਮੱਗਰੀ ਬਰਾਮਦ ਕੀਤੀ ਗਈ ਹੈ। ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਕੇਰਲਾਪਾਲ ਥਾਣੇ ਅਧੀਨ ਪੈਂਦੇ ਤੁਮੜੀਪਾਰਾ ਅਤੇ ਮਿਸੀਗੁੜਾ ਪਿੰਡਾਂ ਵਿਚਾਲੇ ਸ਼ਨਿਚਰਵਾਰ ਸ਼ਾਮ ਨੂੰ ਜ਼ਿਲ੍ਹਾ ਰਿਜ਼ਰਵ ਗਾਰਡ (ਡੀਆਰਜੀ) ਅਤੇ ਜ਼ਿਲ੍ਹਾ ਟੀਮ ਨੇ ਤਲਾਸ਼ੀ ਮੁਹਿੰਮ ਦੌਰਾਨ ਛੇ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਅਧਿਕਾਰੀਆਂ ਨੇ ਕਿਹਾ, “ਉਨ੍ਹਾਂ ਕੋਲੋਂ ਦੋ ਟਿਫਿਨ ਬੰਬ (ਹਰੇਕ ਦਾ ਵਜ਼ਨ 3 ਕਿਲੋ), ਤਿੰਨ ਜੈਲੇਟਿਨ ਸਟਿੱਕਸ, ਦਸ ਡੈਟੋਨੇਟਰ, ਬਿਜਲੀ ਦੀਆਂ ਤਾਰਾਂ ਦਾ ਬੰਡਲ ਅਤੇ 15 ਮੀਟਰ ਲੰਬੀ ਕੋਰਡੈਕਸ ਤਾਰ ਬਰਾਮਦ ਕੀਤੀ ਗਈ ਹੈ।’’ ਉਨ੍ਹਾਂ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਗਏ ਵਿਅਕਤੀਆਂ ਦੀ ਪਛਾਣ ਕੁੰਜਮ ਹੁਰਾ (24), ਮਦਵੀ ਦੇਵਾ (27), ਪਦਮ ਪਾਂਡੂ (26) ਅਤੇ ਪੋਡੀਅਮ ਲੱਖਾ (28) ਵਜੋਂ ਹੋਈ ਹੈ। -ਪੀਟੀਆਈ