ਗਹਿਣੇ ਚੋਰੀ ਕਰਨ ਦੇ ਦੋਸ਼ ਹੇਠ ਭਰਜਾਈਆਂ ਨਾਮਜ਼ਦ

ਪੱਤਰ ਪ੍ਰੇਰਕ
ਤਰਨ ਤਾਰਨ, 29 ਨਵੰਬਰ
ਇੱਥੋਂ ਦੀ ਬਾਠ ਰੋਡ ਦੇ ਅਮਰੀਕਾ ਰਹਿੰਦੇ ਇਕ ਪਰਵਾਸੀ ਭਾਰਤੀ ਦੀ ਵੱਡੀ ਭਰਜਾਈ ਨੇ ਆਪਣੇ ਪੇਕਾ ਪਰਿਵਾਰ ਦੇ ਮੈਂਬਰਾਂ ਨਾਲ ਮਿਲ ਕੇ ਦਿਉਰ ਦੀ ਬੰਦ ਪਈ ਕੋਠੀ ਤੋਂ ਕਥਿਤ ਤੌਰ ’ਤੇ 26 ਲੱਖ ਰੁਪਏ ਦੇ ਕਰੀਬ ਦੇ ਸੋਨੇ ਚਾਂਦੀ ਦੇ ਗਹਿਣੇ ਅਤੇ ਅਮਰੀਕੀ ਡਾਲਰ ਚੋਰੀ ਕਰ ਲਏ|
ਪਰਵਾਸੀ ਭਾਰਤੀ ਆਕਾਸ਼ਦੀਪ ਸਿੰਘ ਵੱਲੋਂ ਇਸ ਸਬੰਧੀ ਸਿਟੀ ਪੁਲੀਸ ਨੂੰ ਕੀਤੀ ਸ਼ਿਕਾਇਤ ਦੇ ਆਧਾਰ ’ਤੇ ਉਸ ਦੀ ਭਰਜਾਈ ਮਨਦੀਪ ਕੌਰ, ਉਸ ਦੇ ਭਰਾ ਜਗਜੀਤ ਸਿੰਘ, ਗੁਲਜ਼ਾਰ ਸਿੰਘ ਅਤੇ ਭਰਜਾਈ (ਗੁਲਜ਼ਾਰ ਸਿੰਘ ਦੀ ਪਤਨੀ) ਕੁਲਬੀਰ ਕੌਰ ਨੂੰ ਮੁਲਜ਼ਮ ਨਾਮਜ਼ਦ ਕੀਤਾ ਹੈ| ਏ ਪੁਲੀਸ ਨੇ ਇਸ ਸਬੰਧੀ ਮੁਲਜ਼ਮਾਂ ਖਿਲਾਫ਼ ਬੀ ਐਨ ਐਸ ਦੀ ਦਫ਼ਾ 303 (2) ਅਧੀਨ ਕੇਸ ਦਰਜ ਕੀਤਾ ਗਿਆ ਹੈ|