ਛੋਟਾ ਪਰਦਾ

ਧਰਮਪਾਲ

ਰਿਸ਼ਤਿਆਂ ਦੀ ਕਦਰਦਾਨ ਨੇਹਾ ਰਾਣਾ

ਮਨੋਰੰਜਨ ਦੀ ਦੁਨੀਆ ਵਿੱਚ ਅਦਾਕਾਰਾਂ ਨੂੰ ਅਕਸਰ ਸੁਪਨਿਆਂ ਦਾ ਪਿੱਛਾ ਕਰਦੇ ਹੋਏ ਘਰ ਦੇ ਆਰਾਮ ਤੋਂ ਦੂਰ ਆਪਣਾ ਸਫ਼ਰ ਸ਼ੁਰੂ ਕਰਨਾ ਪੈਂਦਾ ਹੈ। ਕਲਰਜ਼ ਚੈਨਲ ਦੇ ਸ਼ੋਅ ‘ਜਨੂੰਨੀਅਤ’ ਵਿੱਚ ਇਲਾਹੀ ਦਾ ਕਿਰਦਾਰ ਨਿਭਾਉਣ ਵਾਲੀ ਨੇਹਾ ਰਾਣਾ ਇਸ ਸਥਿਤੀ ਨੂੰ ਸਮਝ ਸਕਦੀ ਹੈ ਕਿਉਂਕਿ ਉਹ ਚੰਡੀਗੜ੍ਹ ਵਿੱਚ ਰਹਿ ਰਹੀ ਹੈ ਅਤੇ ਆਪਣੀ ਮਾਂ ਤੋਂ ਦੂਰ ਲੁਧਿਆਣਾ ਵਿੱਚ ਸ਼ੋਅ ਦੀ ਸ਼ੂਟਿੰਗ ਕਰ ਰਹੀ ਹੈ। ਇਹ ਸ਼ੋਅ ਪਿਆਰ ਅਤੇ ਸੰਗੀਤ ਦੀ ਕਹਾਣੀ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰ ਰਿਹਾ ਹੈ, ਜਿਸ ਵਿੱਚ ਅੰਕਿਤ ਗੁਪਤਾ (ਜਹਾਨ), ਗੌਤਮ ਸਿੰਘ ਵਿਗ (ਜਾਰਡਨ) ਅਤੇ ਨੇਹਾ ਰਾਣਾ (ਇਲਾਹੀ) ਦੀਆਂ ਭੂਮਿਕਾਵਾਂ ਨਿਭਾ ਰਹੇ ਹਨ।
ਕਹਾਣੀ ਦੇ ਮੌਜੂਦਾ ਟਰੈਕ ਵਿੱਚ ਜਹਾਨ, ਜੌਰਡਨ ਅਤੇ ਇਲਾਹੀ ਦੇ ਅਚਾਨਕ ਵਿਆਹ ਦੇ ਪਿੱਛੇ ਦੀ ਸੱਚਾਈ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਆਪਣੀ ਰੀਲ੍ਹ ਲਾਈਫ ਦੇ ਉਥਲ-ਪੁਥਲ ਦੇ ਵਿਚਕਾਰ ਨੇਹਾ ਰਾਣਾ ਦੱਸਦੀ ਹੈ ਕਿ ਆਪਣੀ ਮਾਂ ਤੋਂ ਦੂਰ ਰਹਿਣਾ ਆਪਣੀਆਂ ਚੁਣੌਤੀਆਂ ਦਾ ਇੱਕ ਸਮੂਹ ਲੈ ਕੇ ਆਉਂਦਾ ਹੈ। ਪ੍ਰਤਿਭਾਸ਼ਾਲੀ ਅਦਾਕਾਰਾ ਦਾ ਕਹਿਣਾ ਹੈ ਕਿ ਉਸ ਦੀ ਸੱਸ ਦਾ ਕਿਰਦਾਰ ਨਿਭਾਉਣ ਵਾਲੀ ਉਸ ਦੀ ਸਹਿ-ਅਦਾਕਾਰਾ ਗੁਰਵਿੰਦਰ ਕੌਰ ਉਸ ਦੀ ਜ਼ਿੰਦਗੀ ਵਿੱਚ ਖੁਸ਼ੀਆਂ ਲੈ ਕੇ ਆਉਂਦੀ ਹੈ ਕਿਉਂਕਿ ਉਹ ਉਸ ਨੂੰ ਮਾਂ ਵਾਂਗ ਪਿਆਰ ਕਰਦੀ ਹੈ। ਇਹ ਰੀਲ੍ਹ ਬਹੂ ਅਤੇ ਸੱਸ ਇੱਕ ਪਰਿਵਾਰ ਵਾਂਗ ਰਹਿੰਦੇ ਹਨ ਕਿਉਂਕਿ ਉਹ ਆਪਸ ਵਿੱਚ ਕਲਾਕਾਰਾਂ ਵਜੋਂ ਭੋਜਨ, ਹਾਸੇ ਅਤੇ ਆਪਣੇ ਅਨੁਭਵ ਸਾਂਝੇ ਕਰਦੇ ਹਨ।
ਗੁਰਵਿੰਦਰ ਕੌਰ ਨਾਲ ਆਪਣੇ ਰਿਸ਼ਤੇ ਬਾਰੇ ਗੱਲ ਕਰਦਿਆਂ ਨੇਹਾ ਰਾਣਾ ਕਹਿੰਦੀ ਹੈ, “ਇੱਕ ਅਭਨਿੇਤਰੀ ਵਜੋਂ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਆਪਣੀ ਮਾਂ ਤੋਂ ਦੂਰ ਰਹਿਣਾ ਕੌੜਾ ਸਫ਼ਰ ਰਿਹਾ ਹੈ। ਚੰਗੀ ਗੱਲ ਇਹ ਹੈ ਕਿ ਮੈਨੂੰ ਇਸ ਕਹਾਣੀ ਨੂੰ ਦਰਸ਼ਕਾਂ ਤੱਕ ਲਿਆਉਣ ਅਤੇ ਅਜਿਹਾ ਕਰਨ ਵਿੱਚ ਮੇਰੀ ਮਾਂ ਨੂੰ ਮਾਣ ਮਹਿਸੂਸ ਕਰਨ ਦਾ ਸਨਮਾਨ ਮਿਲਿਆ ਹੈ। ਮੇਰੀ ਮਾਂ ਨੂੰ ਦੇਖ ਕੇ ਮੇਰਾ ਦਿਨ ਬਦਲ ਜਾਂਦਾ ਹੈ। ਸ਼ੁਕਰ ਹੈ ਕਿ ਮੇਰੀ ਰੀਲ੍ਹ ਸੱਸ ਗੁਰਵਿੰਦਰ ਕੌਰ ਮੈਨੂੰ ਬਹੁਤ ਪਿਆਰ ਕਰਦੀ ਹੈ ਅਤੇ ਸੈੱਟ ’ਤੇ ਮੇਰੇ ਨਾਲ ਆਪਣੇ ਬੱਚੇ ਵਾਂਗ ਵਿਹਾਰ ਕਰਦੀ ਹੈ। ਇਹ ਉਦਯੋਗ ਅਕਸਰ ਆਪਣੀ ਤੇਜ਼ ਰਫ਼ਤਾਰ ਜੀਵਨਸ਼ੈਲੀ ਲਈ ਜਾਣਿਆ ਜਾਂਦਾ ਹੈ ਅਤੇ ਇਸ ਸਮੇਂ ਦੌਰਾਨ ਅਜਿਹੇ ਸੱਚੇ ਕੁਨੈਕਸ਼ਨ ਬਣਾਉਣਾ ਉਹ ਚੀਜ਼ ਹੈ ਜਿਸਦੀ ਮੈਂ ਆਪਣੀ ਰਹਿੰਦੀ ਜ਼ਿੰਦਗੀ ਭਰ ਕਦਰ ਕਰਾਂਗੀ। ਇਸ ਤੋਂ ਇਲਾਵਾ, ਉਹ ਸਕਰੀਨ ’ਤੇ ਇੱਕ ਸ਼ਾਨਦਾਰ ਸੱਸ ਹੈ। ਮੈਨੂੰ ਲੱਗਦਾ ਹੈ ਕਿ ਹਰ ਵਿਆਹੀ ਕੁੜੀ ਦੀ ਉਸ ਵਰਗੀ ਸਮਝਦਾਰ ਸੱਸ ਹੋਣੀ ਚਾਹੀਦੀ ਹੈ।’’

ਨੀਰਜ ਨਾਲ ਮੁੜ ਜੁੜੀ ਸਯਾਮੀ ਖੇਰ

ਜਾਸੂਸੀ ਥ੍ਰਿਲਰ ਸੀਰੀਜ਼ ‘ਸਪੈਸ਼ਲ ਓਪਸ’ ਦੀ ਪਹਿਲੀ ਸਫਲਤਾ ਤੋਂ ਬਾਅਦ ਸਯਾਮੀ ਖੇਰ ਅਤੇ ਨੀਰਜ ਪਾਂਡੇ ਇੱਕ ਵਾਰ ਫਿਰ ਇਕੱਠੇ ਆਉਣ ਲਈ ਤਿਆਰ ਹਨ। ਨੀਰਜ ਪਾਂਡੇ ਨੂੰ ਮਨੋਰੰਜਕ ਥ੍ਰਿਲਰ ਬਣਾਉਣ ਵਿੱਚ ਆਪਣੀ ਮੁਹਾਰਤ ਲਈ ਜਾਣਿਆ ਜਾਂਦਾ ਹੈ।
‘ਸਪੈਸ਼ਲ ਓਪਸ’ ਸੀਰੀਜ਼ ਵਿੱਚ ਸਯਾਮੀ ਖੇਰ ਨੇ ਮਹੱਤਵਪੂਰਨ ਕਿਰਦਾਰ ਨਿਭਾਉਂਦੇ ਹੋਏ, ਹਾਈ-ਫਾਈ ਐਕਸ਼ਨ ਕ੍ਰਮਾਂ ਵਿੱਚ ਆਪਣੀ ਯੋਗਤਾ ਦਾ ਪ੍ਰਦਰਸ਼ਨ ਕਰਦੇ ਹੋਏ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਹੁਣ, ਪ੍ਰਸ਼ੰਸਕ ਸਯਾਮੀ ਤੋਂ ਹੋਰ ਵੀ ਗਹਿਰੇ ਅਤੇ ਦਿਲਚਸਪ ਪ੍ਰਦਰਸ਼ਨ ਦੀ ਉਮੀਦ ਕਰ ਸਕਦੇ ਹਨ ਕਿਉਂਕਿ ਉਹ ਨੀਰਜ ਪਾਂਡੇ ਦੇ ਨਾਲ ਇਸ ਆਗਾਮੀ ਪ੍ਰਾਜੈਕਟ ਦੇ ਕੇਂਦਰ ਵਿੱਚ ਹੈ।
ਇਹ ਨਵਾਂ ਸਹਿਯੋਗ ਐਕਸ਼ਨ ਸ਼ੈਲੀ ਨੂੰ ਹੋਰ ਉਚਾਈਆਂ ’ਤੇ ਲਿਜਾਣ ਦਾ ਵਾਅਦਾ ਕਰਦਾ ਹੈ, ਜਿਸ ਵਿੱਚ ਮੁੱਖ ਭੂਮਿਕਾ ਸਯਾਮੀ ਖੇਰ ਦੀ ਹੈ, ਜੋ ਯਕੀਨੀ ਤੌਰ ’ਤੇ ਆਪਣੇ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰੇਗੀ। ਇਹ ਪ੍ਰਾਜੈਕਟ ਸਯਾਮੀ ਦੇ ਪਹਿਲਾਂ ਤੋਂ ਹੀ ਸ਼ਾਨਦਾਰ ਕਰੀਅਰ ਵਿੱਚ ਇੱਕ ਹੋਰ ਮਹੱਤਵਪੂਰਨ ਮੀਲ ਪੱਥਰ ਸਾਬਤ ਹੋਵੇਗਾ। ਉਸ ਦੀ ਪ੍ਰਸ਼ੰਸਾ ਪ੍ਰਾਪਤ ਫਿਲਮ ‘ਘੂਮਰ’ ਦੀ ਹਾਲ ਹੀ ਵਿੱਚ ਰਿਲੀਜ਼ ਤੋਂ ਬਾਅਦ ਉਸ ਦੇ ਕਿਰਦਾਰ ਲਈ ਵਿਆਪਕ ਪ੍ਰਸ਼ੰਸਾ ਮਿਲੀ।
ਇੱਕ ਸੂਤਰ ਨੇ ਕਿਹਾ, “ਪ੍ਰਾਜੈਕਟ ਇਸ ਸਾਲ ਦੇ ਅੰਤ ਵਿੱਚ ਸ਼ੁਰੂ ਹੋਣ ਦੀ ਉਮੀਦ ਹੈ। ਇਹ ਇੱਕ ਸ਼ਾਨਦਾਰ ਨੀਰਜ ਪਾਂਡੇ ਐਕਸ਼ਨ ਥ੍ਰਿਲਰ ਹੈ। ਸਯਾਮੀ ਇਸ ਸ਼ੈਲੀ ਵਿੱਚ ਪਹਿਲਾਂ ਦੋ ਵਾਰ ਕੰਮ ਕਰ ਚੁੱਕੀ ਹੈ, ਇਸ ਲਈ ਇਹ ਉਸ ਲਈ ਜਾਣਿਆ-ਪਛਾਣਿਆ ਖੇਤਰ ਹੈ। ਫਿਲਹਾਲ ਪ੍ਰੀ-ਪ੍ਰੋਡਕਸ਼ਨ ਚੱਲ ਰਿਹਾ ਹੈ ਅਤੇ ਸ਼ੂਟਿੰਗ ਮੁੰਬਈ ਅਤੇ ਪੂਰੇ ਦੇਸ਼ ਦੇ ਨਾਲ-ਨਾਲ ਦੁਨੀਆ ਦੇ ਹੋਰ ਹਿੱਸਿਆਂ ਵਿੱਚ ਵੱਡੇ ਪੱਧਰ ’ਤੇ ਹੋਵੇਗੀ।

ਸ਼੍ਰੇਆ ਘੋਸ਼ਾਲ ਬਣੀ ਸ਼ੁਭਦੀਪ ਦੀ ਪ੍ਰਸ਼ੰਸਕ

ਸੋਨੀ ਐਂਟਰਟੇਨਮੈਂਟ ਟੈਲੀਵਿਜ਼ਨ ਦਾ ਗਾਇਕੀ ਦਾ ਰਿਐਲਿਟੀ ਸ਼ੋਅ ‘ਇੰਡੀਅਨ ਆਈਡਲ’ ਇੱਕ ਰਾਸ਼ਟਰੀ ਪਲੈਟਫਾਰਮ ਹੈ ਜੋ ਉੱਭਰਦੇ ਗਾਇਕਾਂ ਨੂੰ ਆਪਣੀ ਕਾਬਲੀਅਤ ਨੂੰ ਸਾਬਤ ਕਰਨ ਦਾ ਮੌਕਾ ਦਿੰਦਾ ਹੈ। ਇਸ ਸੀਜ਼ਨ ਵਿੱਚ ਇੱਕ ਅਜਿਹੀ ਬੇਮਿਸਾਲ ਪ੍ਰਤਿਭਾ ਹੈ, ਜੋ ਬਹੁਤ ਸਾਰੀਆਂ ਭਾਵਨਾਵਾਂ ਨੂੰ ਜਗਾਉਣ ਦੀ ਤਾਕਤ ਰੱਖਦਾ ਹੈ। ਇੰਡੀਅਨ ਆਈਡਲ ਸੰਗੀਤ ਦੇ ਖੇਤਰ ਵਿੱਚ ਸਭ ਤੋਂ ਵੱਡਾ ਘਰ ਬਣ ਗਿਆ ਹੈ ਕਿਉਂਕਿ ਅਦਭੁਤ ਗਾਇਕਾ ਸ਼੍ਰੇਆ ਘੋਸ਼ਾਲ ਨੇ ਭਾਰਤ ਦੀ ਉੱਤਮ ਗਾਇਕੀ ਪ੍ਰਤਿਭਾ ਦੀ ਖੋਜ ਕਰਨ ਦੀ ਕਮਾਨ ਸੰਭਾਲੀ ਹੋਈ ਹੈ। ਸ਼ੋਅ ਵਿੱਚ ਸ਼੍ਰੇਆ ਘੋਸ਼ਾਲ ਦੇ ਨਾਲ ਕੁਮਾਰ ਸਾਨੂ ਤੇ ਵਿਸ਼ਾਲ ਡਡਲਾਨੀ ਵੀ ਜੱਜ ਦੇ ਰੂਪ ਵਿੱਚ ਮੌਜੂਦ ਹਨ ਜੋ ਆਵਾਜ਼, ਰੇਂਜ ਅਤੇ ਟੈਕਸਟ ਦੇ ਮਾਪਦੰਡਾਂ ਨੂੰ ਪੂਰਾ ਕਰਨ ਵਾਲੇ ਪ੍ਰਦਰਸ਼ਨਾਂ ਦੀ ਤਲਾਸ਼ ਕਰ ਰਹੇ ਹਨ।
ਇਸ ਵੀਕੈਂਡ ’ਚ ਦੇਸ਼ ਦੇ ਹਰ ਕੋਨੇ ਤੋਂ ਕਈ ਪ੍ਰਤੀਯੋਗੀ ਸ਼ੋਅ ’ਚ ਆਪਣੀ ਜਗ੍ਹਾ ਬਣਾਉਣ ਲਈ ਸਟੇਜ ’ਤੇ ਪੇਸ਼ਕਾਰੀ ਦਿੰਦੇ ਹੋਏ ਨਜ਼ਰ ਆਉਣਗੇ। ਅਜਿਹਾ ਹੀ ਇੱਕ ਪ੍ਰਤੀਯੋਗੀ ਹੋਵੇਗਾ ਮੁੰਬਈ ਦਾ ਸ਼ੁਭਦੀਪ ਦਾਸ, ਜਿਸ ਨੇ ਜੱਜਾਂ ਦਾ ਦਿਲ ਜਿੱਤ ਲਿਆ ਹੈ। ਇਸ ਵਾਰ ਉਹ ਆਪਣੀ ਜਗ੍ਹਾ ਪੱਕੀ ਕਰਨ ਦੇ ਉਦੇਸ਼ ਨਾਲ ਤਿੰਨ ਸਾਲ ਬਾਅਦ ਇੰਡੀਅਨ ਆਈਡਲ ’ਚ ਵਾਪਸੀ ਕਰ ਰਿਹਾ ਹੈ।
ਉਸ ਦੀ ਭਾਵਪੂਰਤ ਗਾਇਕੀ ਤੋਂ ਪ੍ਰਭਾਵਿਤ ਹੋ ਕੇ ਵਿਸ਼ਾਲ ਕਹਿੰਦਾ ਹੈ, ‘‘ਮੈਂ ਤੁਹਾਨੂੰ ਤਿੰਨ ਸਾਲ ਪਹਿਲਾਂ ਇੰਡੀਅਨ ਆਈਡਲ ਵਿੱਚ ਸੁਣਿਆ ਸੀ, ਉਸ ਸਮੇਂ ਤੁਹਾਡੀ ਗਾਇਕੀ ਥੋੜ੍ਹੀ ਕੱਚੀ ਸੀ, ਪਰ ਹੁਣ, ਤੁਸੀਂ ਬਹੁਤ ਵਧੀਆ ਗਾਉਂਦੇ ਹੋ।’’
ਸ਼੍ਰੇਆ ਘੋਸ਼ਾਲ ਅੱਗੇ ਕਹਿੰਦੀ ਹੈ, “ਮੈਂ ‘ਅਮੀ ਜੇ ਤੋਮਾਰ’ ਨੂੰ ਵੱਖ-ਵੱਖ ਸ਼ੈਲੀਆਂ ਵਿੱਚ ਸੁਣਿਆ ਹੈ ਅਤੇ ਇਹ ਗੀਤ ਮੁਕਾਬਲੇ ਲਈ ਹੈ। ਬਹੁਤ ਸਾਰੇ ਲੋਕਾਂ ਨੇ ਇਸ ’ਤੇ ਹੱਥ ਅਜ਼ਮਾਇਆ ਹੈ। ਪਰ ਇਸ ਗੀਤ ਦੀਆਂ ਬਾਰੀਕੀਆਂ ਅਕਸਰ ਖੁੰਝ ਜਾਂਦੀਆਂ ਹਨ। ਪਰ ਤੁਸੀਂ ਬੇਮਿਸਾਲ ਗਾਇਕ ਹੋ, ਸ਼ਾਸਤਰੀ ਗਾਇਕੀ ਵਿੱਚ ਤੁਹਾਡਾ ਆਧਾਰ ਬਹੁਤ ਮਜ਼ਬੂਤ ਹੈ। ਤੁਹਾਨੂੰ ਹਰ ਉਸ ਕਿਸੇ ਵੱਲੋਂ ਯਾਦ ਕੀਤਾ ਜਾਵੇਗਾ ਜਿਸ ਨੇ ਤੁਹਾਨੂੰ ਸੁਣਿਆ ਹੈ।’’
ਸ਼੍ਰੇਆ ਘੋਸ਼ਾਲ ਸ਼ੁਭਦੀਪ ਨਾਲ ‘ਅਮੀ ਜੇ ਤੋਮਾਰ’ ’ਤੇ ਪੇਸ਼ਕਾਰੀ ਕਰਦੀ ਵੀ ਨਜ਼ਰ ਆਵੇਗੀ। ਉਸ ਦੀ ਪੇਸ਼ਕਾਰੀ ’ਤੇ ਜੱਜ ਕੁਮਾਰ ਸ਼ਾਨੂੰ ਕਹਿੰਦੇ ਹਨ, ‘‘ਇਹ ਪੇਸ਼ਕਾਰੀ ਹਿੱਟ ਤੋਂ ਜ਼ਿਆਦਾ ਧਮਾਕੇਦਾਰ ਹੈ।’’