ਸ਼ਿਵ ਸੈਨਾ (ਯੂਬੀਟੀ) ਨੇ ਸ਼ਿੰਦੇ ਨੂੰ ਵਾਅਦਾ ਚੇਤੇ ਕਰਵਾਇਆ

ਪੁਣੇ:

ਸ਼ਿਵ ਸੈਨਾ (ਯੂਬੀਟੀ) ਨੇ ਅੱਜ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਨੂੰ ਉਨ੍ਹਾਂ ਦੇ ਉਸ ਬਿਆਨ ਦੀ ਯਾਦ ਤਾਜ਼ਾ ਕਰਵਾਈ ਜਿਸ ਵਿੱਚ ਉਨ੍ਹਾਂ ਕਿਹਾ ਸੀ ਕਿ ਜੇਕਰ ਊਧਵ ਠਾਕਰੇ ਖ਼ਿਲਾਫ਼ ਬਗਾਵਤ ਵਿੱਚ ਉਨ੍ਹਾਂ ਦਾ ਸਾਥ ਦੇਣ ਵਾਲੇ ਵਿਧਾਇਕਾਂ ਵਿੱਚੋਂ ਕਿਸੇ ਨੂੰ ਵੀ ਵਿਧਾਨ ਸਭਾ ਚੋਣਾਂ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਤਾਂ ਉਹ ਸਿਆਸਤ ਛੱਡ ਦੇਣਗੇ। ਊਧਵ ਠਾਕਰੇ ਦੀ ਅਗਵਾਈ ਵਾਲੀ ਪਾਰਟੀ ਨੇ ਆਪਣੇ ਪਰਚੇ ‘ਸਾਮਨਾ’ ਵਿੱਚ ਇੱਕ ਲੇਖ ਵਿੱਚ ਸ਼ਿੰਦੇ ਨੂੰ ਯਾਦ ਕਰਵਾਇਆ ਕਿ 2022 ਵਿੱਚ ਗੁਹਾਟੀ ਵਿੱਚ ਉਨ੍ਹਾਂ ਨਾਲ ਮੌਜੂਦ 40 ਵਿਧਾਇਕਾਂ ਵਿੱਚੋਂ ਪੰਜ ਨੂੰ ਹਾਲੀਆ ਵਿਧਾਨ ਸਭਾ ਚੋਣਾਂ ਦੌਰਾਨ ਹਾਰ ਝੱਲਣੀ ਪਈ ਹੈ। ਸ਼ਿਵ ਸੈਨਾ (ਯੂਬੀਟੀ) ਨੇ ਆਪਣੇ ਲੇਖ ਵਿੱਚ ਕਿਹਾ ਕਿ ਸਦਾ ਸਰਵਣਕਰ ਨੂੰ ਮਾਹਿਮ ਤੋਂ, ਯਾਮਿਨੀ ਜਾਧਵ ਨੂੰ ਭਾਯਖਲਾ ਤੋਂ, ਸ਼ਾਹਜੀ ਬਾਪੂ ਪਾਟਿਲ ਨੂੰ ਸੰਗੋਲਾ ਤੋਂ, ਸੰਜੈ ਰਾਏਮੂਲਕਰ ਨੂੰ ਮੇਹਕਰ ਤੋਂ ਅਤੇ ਗਿਆਨਰਾਜ ਚੌਗੁਲੇ ਨੂੰ ਉਮਰਗਾ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। -ਪੀਟੀਆਈ