ਜੂਆ ਖੇਡਣ ਦੇ ਦੋਸ਼ ਹੇਠ ਸੱਤ ਗ੍ਰਿਫ਼ਤਾਰ

ਲੁਧਿਆਣਾ:

ਥਾਣਾ ਟਿੱਬਾ ਦੀ ਪੁਲੀਸ ਨੇ ਵਿਜੇ ਨਗਰ ਦੀ ਪੁਲੀ ਕੋਲ ਜੂਆ ਖੇਡਦਿਆਂ ਸੱਤ ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਸੀਆਈਏ-2 ਦੇ ਥਾਣੇਦਾਰ ਸੇਠੀ ਕੁਮਾਰ ਨੇ ਦੱਸਿਆ ਹੈ ਕਿ ਪੁਲੀਸ ਪਾਰਟੀ ਗਸ਼ਤ ਦੇ ਸਬੰਧ ਵਿੱਚ ਰਾਧਾ ਸੁਆਮੀ ਰੋਡ ਨੇੜੇ ਗੀਤਾ ਨਗਰ ਪੁਲੀ ਮੌਜੂਦ ਸੀ ਤਾਂ ਜੁਗਿੰਦਰ ਸਿੰਘ, ਸਚਿਨ ਵਾਸੀ ਗੁਰਮੇਲ ਪਾਰਕ ਟਿੱਬਾ ਰੋਡ, ਬੇਅੰਤ ਸਿੰਘ ਵਾਸੀ ਹਰਚਰਨ ਨਗਰ, ਗੁਰਦੇਵ ਸਿੰਘ ਵਾਸੀ ਗੀਤਾ ਨਗਰ ਟਿੱਬਾ ਰੋਡ, ਹਰਜਿੰਦਰ ਕੁਮਾਰ ਵਾਸੀ ਮੁਹੱਲਾ ਜਗਦੀਸ਼ਪੁਰਾ, ਰਾਮ ਕੁਮਾਰ ਅਤੇ ਵਿਜੇ ਕੁਮਾਰ ਵਾਸੀਆਨ ਗੀਤਾ ਨਗਰ ਨੂੰ ਸਟਰੀਟ ਲਾਈਟਾਂ ਦੀ ਰੋਸ਼ਨੀ ਹੇਠ ਬੈਠ ਕੇ ਤਾਸ਼ ਦੇ ਪੱਤਿਆਂ ਨਾਲ ਪੈਸੇ ਲਗਾ ਕੇ ਜੂਆ ਖੇਡਦਿਆਂ ਕਾਬੂ ਕਰ ਕੇ ਉਨ੍ਹਾਂ ਪਾਸੋਂ 52 ਪੱਤੇ ਤਾਸ਼ ਅਤੇ 20 ਹਜ਼ਾਰ 500 ਰੁਪਏ ਬਰਾਮਦ ਕੀਤੇ ਹਨ। -ਨਿੱਜੀ ਪੱਤਰ ਪ੍ਰੇਰਕ