ਸੰਧੂ ਖੁਰਦ: ਕਬੱਡੀ ਓਪਨ ’ਚ ਉਗੋਕੇ ਦੀ ਟੀਮ ਨੇ ਬਾਜ਼ੀ ਮਾਰੀ

ਰਾਜਿੰਦਰ ਸਿੰਘ ਮਰਾਹੜ
ਭਾਈ ਰੂਪਾ, 17 ਨਵੰਬਰ
ਸਿੱਧ ਬਾਬਾ ਗੰਗਾ ਰਾਮ ਸਪੋਰਟਸ ਕਲੱਬ ਸੰਧੂ ਖੁਰਦ ਵੱਲੋਂ ਬਾਬਾ ਗੰਗਾ ਰਾਮ ਦੀ ਯਾਦ ਵਿੱਚ 22ਵਾਂ ਤਿੰਨ ਰੋਜ਼ਾ ਸਲਾਨਾ ਕਬੱਡੀ ਟੂਰਨਾਮੈਂਟ ਕਰਵਾਇਆ ਗਿਆ ਜਿਸ ਦਾ ਉਦਘਾਟਨ ਗ੍ਰਾਮ ਪੰਚਾਇਤ ਸੰਧੂ ਖੁਰਦ ਵੱਲੋਂ ਸਾਂਝੇ ਤੌਰ ’ਤੇ ਕੀਤਾ ਗਿਆ। ਇਨਾਮਾਂ ਦੀ ਵੰਡ ਨਗਰ ਸੁਧਾਰ ਟਰੱਸਟ ਬਠਿੰਡਾ ਦੇ ਚੇਅਰਮੈਨ ਜਤਿੰਦਰ ਸਿੰਘ ਭੱਲਾ, ਐੱਸਐੱਚਓ ਟੱਲੇਵਾਲ ਨਿਰਮਲਜੀਤ ਸਿੰਘ ਅਤੇ ਵਿਧਾਇਕ ਬਲਕਾਰ ਸਿੱਧੂ ਦੀ ਟੀਮ ਨੇ ਕੀਤੀ। ਕਲੱਬ ਪ੍ਰਧਾਨ ਪਰਵਿੰਦਰ ਸਿੰਘ ਸੂਚ, ਮੀਤ ਪ੍ਰਧਾਨ ਲਾਡੀ ਸੰਧੂ, ਸੀਨੀਅਰ ਮੀਤ ਪ੍ਰਧਾਨ ਸਨੀ ਸੰਧੂ, ਚੇਅਰਮੈਨ ਗੁਰਪ੍ਰੀਤ ਸਿੰਘ ਤੇ ਸਤਨਾਮ ਸੰਧੂ ਨੇ ਦੱਸਿਆ ਕਿ ਕਬੱਡੀ ਓਪਨ ’ਚ (ਤਿੰਨ ਖਿਡਾਰੀ ਬਾਹਰੋਂ) ਉਗੋਕੇ ਦੀ ਟੀਮ ਨੇ ਭਦੌੜ ਨੂੰ ਹਰਾ ਕੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਕਬੱਡੀ 70 ਕਿਲੋ ’ਚ ਕਾਲਵਾਨ (ਹਰਿਆਣਾ) ਤੇ ਪੰਨੀਵਾਲਾ (ਹਰਿਆਣਾ), ਕਬੱਡੀ ਓਪਨ (ਨਿਰੋਲ ਪਿੰਡ) ’ਚ ਕੋਟਭਾਈ ਤੇ ਉਗੋਕੇ, ਕਬੱਡੀ 55 ਕਿਲੋ ’ਚ ਡੋਡ ਤੇ ਹਾਕਮ ਸਿੰਘ ਵਾਲਾ, ਕਬੱਡੀ 45 ਕਿਲੋ ’ਚ ਠੱਠੀ ਭਾਈ ਤੇ ਦਰਾਜ, 35 ਕਿਲੋ ‘ਚ ਜੰਡਸਰ ਸਹੌਰ ਤੇ ਰਾਮੂਵਾਲਾ, ਲੜਕੀਆਂ ਦੇ ਫਾਈਨਲ ‘ਚ ਕੋਟ ਸ਼ਮੀਰ ਤੇ ਗੜੱਦੀ ਦੀ ਟੀਮ ਨੇ ਕ੍ਰਮਵਾਰ ਪਹਿਲਾ ਤੇ ਦੂਜਾ ਸਥਾਨ ਹਾਸਲ ਕੀਤਾ। ਕਲੱਬ ਪ੍ਰਧਾਨ ਪਰਵਿੰਦਰ ਸੂਚ ਨੇ ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਖਜ਼ਾਨਚੀ ਹਰਪ੍ਰੀਤ ਸੂਚ, ਮਨਿੰਦਰ ਸੂਚ, ਜਸਵਿੰਦਰ ਢਿੱਲੋਂ, ਬੱਬੂ ਸੰਘੇੜਾ, ਸਟੀਫਨ, ਜਸਪ੍ਰੀਤ ਸਿੰਘ, ਵਜੀਰ ਖਾਂ, ਲਖਵੀਰ ਗੋਰਾ, ਹਰਵਿੰਦਰ ਸਿੰਘ, ਗੁਰਿੰਦਰ ਸੰਧੂ, ਗੁਰਿੰਦਰਪਾਲ ਸੰਧੂ, ਅਰਪਨ ਸੂਚ, ਪਿਰਤਾ ਸੰਧੂ, ਪ੍ਰਬੰਧਕ ਬਲਜਿੰਦਰ ਸਿੰਘ, ਬੱਬੂ ਸੂਚ, ਮਿੱਠੀ ਸੰਘੇੜਾ ਤੇ ਗੁਰਜੀਤ ਸੰਧੂ ਹਾਜ਼ਰ ਸਨ।