ਡੀਏਵੀ ਸਕੂਲ ਵਿੱਚ ਰੰਗੋਲੀ ਮੁਕਾਬਲਾ

ਕੁਰਾਲੀ:

ਸਥਾਨਕ ਡੀਏਵੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ’ਚ ਦੀਵਾਲੀ ਦੇ ਤਿਉਹਾਰ ਸਬੰਧੀ ਵਿਦਿਆਰਥੀਆਂ ਦੇ ਵੱਖ ਵੱਖ ਮੁਕਾਬਲੇ ਕਰਵਾਏ ਗਏ। ਮੁਕਾਬਲਿਆਂ ਦਾ ਉਦਘਾਟਨ ਪ੍ਰਿੰਸੀਪਲ ਜੇਆਰ ਸ਼ਰਮਾ ਨੇ ਕੀਤਾ। ਇਸ ਮੌਕੇ ਰੰਗੋਲੀ ਬਣਾਉਣ ਤੇ ਕਲਾਸ ਰੂਮ ਨੂੰ ਸਜਾਉਣ ਤੋਂ ਇਲਾਵਾ ਬੱਚਿਆਂ ਦੇ ਮੋਮਬੱਤੀਆਂ ਅਤੇ ਦੀਵੇ ਸਜਾਉਣ ਦੇ ਮੁਕਾਬਲੇ ਕਰਵਾਏ ਗਏ। ਡਿਸਪਲੇ ਬੋਰਡ ਸਜਾਉਣ ਦੇ ਮੁਕਾਬਲੇ ਵਿੱਚ ਰੋਜ਼ ਹਾਊਸ ਤੇ ਡੈਫੋਡਿਲ ਹਾਊਸ ਪਹਿਲੇ ਸਾਂਝੇ ਤੌਰ ‘ਤੇ ਪਹਿਲੇ ਅਤੇ ਟਿਊਲਿਪ ਹਾਊਸ ਅਤੇ ਜੈਸਮੀਨ ਹਾਊਸ ਦੂਜੇ ਸਥਾਨ ’ਤੇ ਰਹੇ। ਰੰਗੋਲੀ ਮੁਕਾਬਲੇ ਵਿੱਚ ਟਿਊਲਿਪ ਹਾਊਸ ਨੇ ਪਹਿਲਾ,ਰੋਜ਼ ਹਾਊਸ ਨੇ ਦੂਜਾ ਤੇ ਜੈਸਮੀਨ ਹਾਊਸ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਪ੍ਰਿੰਸੀਪਲ ਜੇਆਰ ਸ਼ਰਮਾ ਨੇ ਜੇਤੂ ਵਿਦਿਆਰਥੀਆਂ ਨੂੰ ਸਨਮਾਨਿਤ ਵੀ ਕੀਤਾ। ਇਸ ਮੌਕੇ ਵਾਈਸ ਪ੍ਰਿੰਸੀਪਲ ਰਾਕੇਸ਼ ਕੁਮਾਰੀ ਤੋਂ ਇਲਾਵਾ ਸਮੂਹ ਸਟਾਫ਼ ਹਾਜ਼ਰ ਸੀ। -ਪੱਤਰ ਪ੍ਰੇਰਕ