ਫਗਵਾੜਾ: ਚਾਰ ਜੱਜਾਂ ਨੇ ਪਰਿਵਾਰ ਸਮੇਤ ਵੋਟਾਂ ਪਾਈਆਂ

ਪੱਤਰ ਪ੍ਰੇਰਕ
ਫਗਵਾੜਾ, 1 ਜੂਨ
ਇੱਥੋਂ ਦੇ ਇੱਕ ਜੱਜ ਪਰਿਵਾਰ ਨੇ ਪੂਰੇ ਪਰਿਵਾਰ ਸਮੇਤ ਪੋਲਿੰਗ ਬੂਥ ’ਤੇ ਜਾ ਕੇ ਆਪਣੀਆਂ ਵੋਟਾਂ ਪਾਈਆਂ। ਚਿੰਤਕ ਤੇ ਲੇਖਕ ਐਡਵੋਕੇਟ ਸੰਤੋਖ ਲਾਲ ਵਿਰਦੀ ਦੇ ਪੁੱਤਰ ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ ਪਠਾਨਕੋਟ ਮਾਨਵ ਵਿਰਦੀ, ਉਨ੍ਹਾਂ ਦੀ ਪਤਨੀ ਜੱਜ ਡੇਜ਼ੀ ਬਾਂਗੜ ਵਧੀਕ ਸਿਵਲ ਜੱਜ ਸੀਨੀਅਰ ਡਿਵੀਜ਼ਨ ਪਠਾਨਕੋਟ, ਜੱਜ ਇਨਸਾਨ ਵਿਰਦੀ ਮੋਗਾ ਤੇ ਉਨ੍ਹਾਂ ਦੀ ਪਤਨੀ ਸੁਖਪ੍ਰੀਤ ਕੌਰ ਮੋਗਾ ਨੇ ਅੱਜ ਫਗਵਾੜਾ ਪੁੱਜ ਕੇ ਆਪਣੀ ਮਾਤਾ ਬੰਸੋ ਦੇਵੀ ਨਾਲ ਬੂਥ ਨੰਬਰ 202 ਸਰਕਾਰੀ ਗਰਲਜ਼ ਹਾਈ ਸਕੂਲ ਚਾਚੋਕੀ ਵਿੱਚ ਆਪਣੀਆਂ ਵੋਟਾਂ ਪਾਈਆਂ।