ਬਿਰਲਾ ਓਪਨ ਮਾਈਂਡਜ਼ ਪ੍ਰੀ-ਸਕੂਲ ਵੱਲੋਂ ਸਮਾਗਮ

ਚੰਡੀਗੜ੍ਹ: ਇੱਥੋਂ ਦੇ ਟੈਗੋਰ ਥੀਏਟਰ ਸੈਕਟਰ-18 ਵਿੱਚ ਅੱਜ ਬਿਰਲਾ ਓਪਨ ਮਾਈਂਡਜ਼ ਪ੍ਰੀ-ਸਕੂਲ, ਸੈਕਟਰ-68, ਮੁਹਾਲੀ ਦਾ ਸਾਲਾਨਾ ਸਮਾਗਮ ਕਰਵਾਇਆ ਗਿਆ। ਇਸ ਮੌਕੇ ਵਿਦਿਆਰਥੀਆਂ ਨੇ ਆਪਣੀਆਂ ਪੇਸ਼ਕਾਰੀਆਂ ਰਾਹੀਂ ਹਾਜ਼ਰੀਨ ਦਾ ਮਨੋਰੰਜਨ ਕੀਤਾ। ਉਨ੍ਹਾਂ ਧਰਤੀ ਮਾਂ ਅਤੇ ਵੱਖ-ਵੱਖ ਦੇਸ਼ ਦੀਆਂ ਪ੍ਰੰਪਰਾਵਾਂ ਸਣੇ ਦੇਸ਼ ਦੇ ਵੱਖ ਵੱਖ ਸੱਭਿਆਚਾਰਾਂ ਨੂੰ ਆਪਣੀ ਪੇਸ਼ਕਾਰੀ ਰਾਹੀਂ ਦਰਸਾਇਆ। ਇਸ ਮੌਕੇ ਪ੍ਰਦੂਸ਼ਣ ਘਟਾਉਣ ਤੇ ਇਸ ਦੇ ਹੱਲ ਲਈ ਯਤਨ ਕਰਨ ਦਾ ਸੁਨੇਹਾ ਦਿੱਤਾ ਗਿਆ। ਸਮਾਗਮ ਦੀ ਸ਼ੁਰੂਆਤ ਸਕੂਲ ਦੇ ਡਾਇਰੈਕਟਰ ਨਿਧੀ ਗੋਇਲ ਵੱਲੋਂ ਜੀ ਆਇਆਂ ਨਾਲ ਹੋਈ। ਉਨ੍ਹਾਂ ਸਕੂਲ ਵੱਲੋਂ ਕੀਤੇ ਕੰਮਾਂ ਬਾਰੇ ਦੱਸਿਆ। ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਬਠਿੰਡਾ ਸਥਾਈ ਅਦਾਲਤ ਦੇ ਚੇਅਰਮੈਨ ਆਰਐੱਸ ਰਾਏ ਪੁੱਜੇ। ਉਨ੍ਹਾਂ ਸਕੂਲ ਵਲੋਂ ਕੀਤੇ ਜਾ ਰਹੇ ਯਤਨਾ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਗ੍ਰੈਂਡ ਫਿਨਾਲੇ ਖਿੱਚ ਦਾ ਕੇਂਦਰ ਰਿਹਾ। -ਟ੍ਰਿਬਿਊਨ ਨਿਊਜ਼ ਸਰਵਿਸ