ਨਕਸਲੀਆਂ ਵੱਲੋਂ ਪੁਲੀਸ ਕੈਂਪ ’ਤੇ ਹਮਲਾ; ਸੁਰੱਖਿਆ ਜਵਾਨ ਦੀ ਮੌਤ

ਛੱਤੀਸਗੜ੍ਹ, 27 ਜੁਲਾਈ

ਨਕਸਲੀਆਂ ਨੇ ਅੱਜ ਨਾਰਾਇਣਪੁਰ ਜ਼ਿਲ੍ਹੇ ਵਿੱਚ ਜੰਗਲ ਵਿਚਲੇ ਪੁਲੀਸ ਕੈਂਪ ’ਤੇ ਹਮਲਾ ਕੀਤਾ ਜਿਸ ਵਿੱਚ ਇਕ ਸੁਰੱਖਿਆ ਜਵਾਨ ਮਾਰਿਆ ਗਿਆ। ਅਧਿਕਾਰੀ ਨੇ ਦੱਸਿਆ ਕਿ ਇਹ ਘਟਨਾ ਸਵੇਰੇ 8.30 ਵਜੇ ਵਾਪਰੀ। ਮਾਰਿਆ ਗਿਆ ਜਵਾਨ ਕਾਡੇਮੇਟਾ ਕੈਂਪ ਦੀ ਸੁਰੱਖਿਆ ਲਈ ਤਾਇਨਾਤ ਸੀ ਕਿ ਨਕਸਲੀਆਂ ਨੇ ਘਾਤ ਲਗਾ ਕੇ ਉਨ੍ਹਾਂ ’ਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ ਤੇ ਮਗਰੋਂ ਜੰਗਲ ਵਿੱਚ ਫਰਾਰ ਹੋ ਗਏ। ਮਿ੍ਤਕ ਜਵਾਨ ਦੀ ਪਛਾਣ ਕਾਂਸਟੇਬਲ ਜਿਤੇਂਦਰ ਬਕਡੇ ਵਜੋਂ ਹੋਈ ਹੈ, ਜੋ ਛੱਤੀਗੜ੍ਹ ਹਥਿਆਰਬੰਦ ਫੋਰਸ ਦੀ 22 ਬਟਾਲੀਅਨ ਵਿੱਚ ਤਾਇਨਾਤ ਸੀ। ਹਮਲਾਵਰਾਂ ਦੀ ਭਾਲ ਜਾਰੀ ਹੈ।