ਜਲ ਸੈਨਾ ਵੱਲੋਂ ਰੂਸੀ ਪਣਡੁੱਬੀ ‘ਉਫਾ’ ਦਾ ਸਵਾਗਤ

ਕੋਚੀ, 22 ਅਕਤੂਬਰ
ਭਾਰਤੀ ਜਲ ਸੈਨਾ ਨੇ ਮਜ਼ਬੂਤ ​​ਸਮੁੰਦਰੀ ਸਹਿਯੋਗ ਦਾ ਮੁਜ਼ਾਹਰਾ ਪੇਸ਼ ਕਰਦਿਆਂ ਰੂਸੀ ਪਣਡੁੱਬੀ ‘ਉਫਾ’ ਦੇ ਕੋਚੀ ਪਹੁੰਚਣ ’ਤੇ ਉਸ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ। ਰੱਖਿਆ ਲੋਕ ਸੰਪਰਕ ਅਧਿਕਾਰੀ ਨੇ ਅੱਜ ਦੱਸਿਆ ਕਿ ਇਹ ਸਮਾਗਮ ਖਾਸ ਕਰ ਜਲ ਸੈਨਾ ਸਹਿਯੋਗ ਦੇ ਖੇਤਰ ਵਿੱਚ ਭਾਰਤ ਅਤੇ ਰੂਸ ਦਰਮਿਆਨ ‘ਅਟੁੱਟ ਦੋਸਤੀ’ ਨੂੰ ਦਰਸਾਉਂਦਾ ਹੈ। ਉਨ੍ਹਾਂ ‘ਐਕਸ’ ’ਤੇ ਪੋਸਟ ਵਿੱਚ ਕਿਹਾ, ‘‘ਰੂਸੀ ਪਣਡੁੱਬੀ ‘ਉਫਾ’ ਕੋਚੀ ਵਿੱਚ ਰੁਕੀ, ਜਿਸ ਦਾ ਭਾਰਤੀ ਜਲ ਸੈਨਾ ਨੇ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ। ਇਹ ਭਾਰਤ ਅਤੇ ਰੂਸ ਵਿਚਕਾਰ ਅਟੁੱਟ ਦੋਸਤੀ ਦਾ ਪ੍ਰਤੀਕ ਹੈ।’’ -ਪੀਟੀਆਈ