ਕਾਲਾ ਢਿੱਲੋਂ ਦੇ ਵਿਧਾਇਕ ਬਣਨ ’ਤੇ ਨਾਨਕੇ ਪਿੰਡ ’ਚ ਜਸ਼ਨ ਮਨਾਏ

ਭਦੌੜ:

ਹਲਕਾ ਬਰਨਾਲਾ ਤੋਂ ਕਾਂਗਰਸ ਦੇ ਵਿਧਾਇਕ ਬਣੇ ਕੁਲਦੀਪ ਸਿੰਘ ਕਾਲਾ ਢਿੱਲੋਂ ਦੇ ਨਾਨਕੇ ਪਿੰਡ ਜੰਗੀਆਣਾ ਵਿੱਚ ਲੱਡੂ ਵੰਡ ਕੇ ਜਿੱਤ ਦੇ ਜਸ਼ਨ ਮਨਾਏ ਗਏ। ਜੰਗੀਆਣਾ ਦੇ ਸਾਬਕਾ ਸਰਪੰਚ ਜਗਤਾਰ ਸਿੰਘ, ਕਾਲਾ ਢਿੱਲੋਂ ਦੇ ਮਾਮੇ ਦੇ ਪੁੱਤਰ ਐਡਵੋਕੇਟ ਮਨਪ੍ਰੀਤ ਸਿੰਘ, ਪਰਗਟ ਸਿੰਘ, ਕਰਤਾਰ ਸਿੰਘ, ਸਤਨਾਮ ਸਿੰਘ, ਨਰੈਣ ਸਿੰਘ, ਸਾਬਕਾ ਪੰਚ ਨਿਰਮਲ ਸਿੰਘ, ਚਰਨਾ ਸਿੰਘ ਰਣਜੀਤ ਸਿੰਘ, ਗੁਰਮੇ ਸਿੰਘ, ਰਾਜੂ ਸਿੰਘ ਅਤੇ ਕਰਤਾਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਨੂੰ ਮਾਣ ਹੈ ਕਿ ਪਿੰਡ ਦਾ ਭਾਣਜਾ ਵਿਧਾਇਕ ਬਣਿਆ ਹੈ। ਬਰਨਾਲਾ ਤੋਂ ਇਹ ਜਿੱਤ 2027 ਦੀਆਂ ਆਮ ਚੋਣਾਂ ਲਈ ਕਾਂਗਰਸ ਪਾਰਟੀ ਦੀ ਜਿੱਤ ਦਾ ਰਾਹ ਪੱਧਰਾ ਕਰੇਗੀ ਤੇ ਕਾਂਗਰਸ ਪੰਜਾਬ ਵਿੱਚ ਸਰਕਾਰ ਬਣਾਏਗੀ। -ਪੱਤਰ ਪ੍ਰੇਰਕ