ਤੇਜ਼ਧਾਰ ਹਥਿਆਰਾਂ ਨਾਲ ਨੌਜਵਾਨ ਦਾ ਕਤਲ

ਪੱਤਰ ਪ੍ਰੇਰਕ
ਹੁਸ਼ਿਆਰਪੁਰ, 8 ਜੁਲਾਈ
ਫਗਵਾੜਾ ਰੋਡ ਸਥਿਤ ਇੱਕ ਪੈਟਰੋਲ ਪੰਪ ਦੇ ਬਾਹਰ ਕੁਝ ਵਿਅਕਤੀਆਂ ਨੇ ਲੰਘੀ ਦੇਰ ਰਾਤ ਸ਼ਹਿਰ ਦੇ ਮੁਹੱਲਾ ਰਾਮਗੜ੍ਹ ਵਾਸੀ ਨੌਜਵਾਨ ਤਨਵੇ (20) ਦੀ ਹੱਤਿਆ ਕਰ ਦਿੱਤੀ। ਉਹ ਆਪਣੇ ਦੋਸਤਾਂ ਨਾਲ ਮਲਟੀਪਲੈਕਸ ਵਿੱਚੋਂ ਫਿਲਮ ਦੇਖ ਕੇ ਨਿਕਲਿਆ ਅਤੇ ਉਹ ਸਾਰੇ ਪੈਟਰੋਲ ਪੁਆਉਣ ਚਲੇ ਗਏ। ਉੱਥੇ ਪਹਿਲਾਂ ਤੋਂ ਹਾਜ਼ਰ 10-12 ਨੌਜਵਾਨਾਂ ਵਿੱਚੋਂ ਇਕ ਨਾਲ ਤਨਵੇ ਦੀ ਬਹਿਸ ਹੋ ਗਈ, ਜਿਸ ਪਿੱਛੋਂ ਉਨ੍ਹਾਂ ਰਲ ਕੇ ਉਸ ’ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ। ਇਸ ਹਮਲੇ ਵਿੱਚ ਤਨਵੇ ਜ਼ਖ਼ਮੀ ਹੋ ਗਿਆ ਤੇ ਉਸ ਦੀ ਦੂਜੇ ਹਸਪਤਾਲ ਲਿਜਾਂਦੇ ਮੌਤ ਹੋ ਗਈ। ਮੁੱਢਲੀ ਪੜਤਾਲ ’ਚ ਸਾਹਮਣੇ ਆਇਆ ਹੈ ਕਿ ਇਹ ਹਮਲਾ ਪੁਰਾਣੀ ਰੰਜਿਸ਼ ਕਾਰਨ ਕੀਤਾ ਗਿਆ ਹੈ।