ਕਰੋਨਾ ਕਾਰਨ ਮੋਗਾ ਸਬ ਜੇਲ੍ਹ ’ਚ ਭਾਜੜਾਂ; ਸਟਾਫ ਤੇ ਕੈਦੀ ਤਬਦੀਲ

ਮਹਿੰਦਰ ਸਿੰਘ ਰੱਤੀਆਂ
ਮੋਗਾ, 26 ਜੁਲਾਈ

ਕਰੋਨਾ ਨੇ ਇਥੋਂ ਦੀ ਸਬ ਜੇਲ੍ਹ ਵਿੱਚ ਭਾਜੜਾਂ ਪਾ ਦਿੱਤੀਆਂ ਹਨ। ਇਥੇ ਮੁਲਾਜ਼ਮ ਦੀ ਰਿਪੋਰਟ ਪਾਜ਼ੇਟਿਵ ਆਉਣ ਮਗਰੋਂ ਜੇਲ੍ਹ ’ਚ ਬੰਦ ਕੈਦੀ ਮਾਡਰਨ ਜੇਲ੍ਹ ਫ਼ਰੀਦਕੋਟ ਅਤੇ ਅਮਲਾ ਅਮ੍ਰਿੰਤਸਰ ਤਬਦੀਲ ਕਰ ਦਿੱਤਾ ਹੈ। ਸਿਵਲ ਸਰਜਨ ਡਾ. ਅਮਰਪ੍ਰੀਤ ਕੌਰ ਬਾਜਵਾ ਨੇ ਕਿਹਾ ਕਿ ਅੱਜ 6 ਨਵੇ ਕਰੋਨਾਂ ਦੇ ਮਾਮਲੇ ਸਾਹਮਣੇ ਆਏ ਹਨ। ਜ਼ਿਲ੍ਹੇ ਵਿੱਚ ਹੁਣ ਤੱਕ ਕੁੱਲ 275 ਲੋਕਾਂ ਦੀ ਰਿਪੋਰਟ ਪਾਜ਼ੇਟਿਵ ਆਈ ਸੀ ਜਨਿ੍ਹਾਂ ਵਿੱਚੋਂ 108 ਐਕਟਿਵ ਮਰੀਜ਼ ਹਨ ਅਤੇ 161 ਤੰਦਰੁਸਤ ਹੋ ਕੇ ਘਰਾਂ ਨੂੰ ਜਾ ਚੁੱਕੇ ਹਨ। 6 ਮਰੀਜ਼ਾਂ ਦੀ ਮੌਤ ਹੋ ਚੁੱਕੀ ਹੈ। ਇਥੇ ਸਬ ਜੇਲ੍ਹ ’ਚ ਇੱਕ ਮੁਲਾਜ਼ਮ ਦੀ ਕਰੋਨਾ ਪਾਜ਼ੇਟਿਵ ਰਿਪੋਰਟ ਆਉਣ ਮਗਰੋਂ ਸਾਰੀ ਜੇਲ੍ਹ ਖਾਲੀ ਕਰਵਾ ਲਈ ਹੈ।