ਵਿਧਾਇਕ ਸੌਂਦ ਵੱਲੋਂ ‘ਕਲੀਨ ਖੰਨਾ-ਗ੍ਰੀਨ ਖੰਨਾ’ ਮੁਹਿੰਮ ਸ਼ੁਰੂ

ਨਿੱਜੀ ਪੱਤਰ ਪ੍ਰੇਰਕ
ਖੰਨਾ, 8 ਜੁਲਾਈ
ਇੱਥੇ ਵਿਧਾਇਕ ਤਰੁਣਪ੍ਰੀਤ ਸਿੰਘ ਸੌਂਦ ਨੇ ਮਿਸ਼ਨ ‘ਕਲੀਨ ਖੰਨਾ-ਗ੍ਰੀਨ ਖੰਨਾ’ ਤਹਿਤ ਵੱਖ-ਵੱਖ ਥਾਵਾਂ ’ਤੇ ਨਾਜਾਇਜ਼ ਕਬਜ਼ੇ ਹਟਾ ਕੇ ਸ਼ਹਿਰ ਨੂੰ ਸੁੰਦਰ ਬਣਾਉਣ ਲਈ ਮੁਹਿੰਮ ਦਾ ਆਗਾਜ਼ ਕੀਤਾ। ਇਸ ਤਹਿਤ ਮੁੱਖ ਮਾਰਗ, ਸਰਵਿਸ ਰੋਡ, ਮਿਲਟਰੀ ਗਰਾਊਂਡ ਤੇ ਹੋਰ ਖੇਤਰਾਂ ਵਿੱਚ ਬੂਟੇ ਲਾਏ ਗਏ। ਵਿਧਾਇਕ ਸੌਂਦ ਨੇ ਸ਼ਹਿਰ ਵਾਸੀਆਂ ਤੋਂ ਸਹਿਯੋਗ ਦੀ ਮੰਗ ਕੀਤੀ। ਉਨ੍ਹਾਂ ਕਿਹਾ ਕਿ ਸਰਕਾਰਾਂ ਆਉਂਦੀਆਂ ਜਾਂਦੀਆਂ ਰਹਿੰਦੀਆਂ ਹਨ ਪਰ ਉਨ੍ਹਾਂ ਦੇ ਬੱਚਿਆਂ ਨੇ ਸ਼ਹਿਰ ਵਿਚ ਰਹਿਣਾ ਹੈ, ਇਸ ਲਈ ਉਨ੍ਹਾਂ ਦਾ ਮੁੱਖ ਉਦੇਸ਼ ਰਾਜਨੀਤੀ ਤੋਂ ਉੱਪਰ ਉੱਠ ਕੇ ਆਪਣੇ ਸ਼ਹਿਰ ਨੂੰ ਸਾਫ਼ ਬਣਾਇਆ ਜਾਵੇ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਕੋਈ ਵੀ ਦੁਕਾਨਦਾਰ ਜਾਂ ਇਲਾਕੇ ਦੇ ਲੋਕ ਜੀਟੀ ਰੋਡ ਜਾਂ ਪੁਲ ਹੇਠਾਂ ਚੌਰਾਹਿਆਂ ’ਤੇ ਕੂੜਾ ਨਾ ਸੁੱਟਣ।
ਵਿਧਾਇਕ ਸੌਂਦ ਨੇ ਕਿਹਾ ਕਿ ਇਹ ਮੁਹਿੰਮ ਤਹਿਤ ਪਹਿਲੇ ਪੜਾਅ ਵਿਚ ਸ਼ਹਿਰ ਦੇ ਜੀਟੀ ਰੋਡ ਦੇ ਦੋਵੇਂ ਪਾਸੇ ਬੂਟੇ ਲਾਏ ਜਾ ਰਹੇ ਹਨ।
ਇਸ ਮੌਕੇ ਵਰਿੰਦਰ ਗੁਪਤਾ, ਅਮਰਦੀਪ ਸਿੰਘ ਪੁਰੇਵਾਲ, ਈਓ ਚਰਨਜੀਤ ਸਿੰਘ, ਰਾਜੇਸ਼ ਵਾਲੀਆ, ਪਰਮਜੀਤ ਕੌਰ, ਮਨਪ੍ਰੀਤ ਕੌਰ, ਮਨਿੰਦਰ ਸਿੰਘ, ਚੰਦਨ ਸਿੰਘ ਨੇਗੀ, ਸਵਿਤਾ ਜੋਸ਼ੀ, ਜਸਵੀਰ ਸਿੰਘ ਰਾਏ ਆਦਿ ਹਾਜ਼ਰ ਸਨ।