ਰੇਲ ਗੱਡੀ ਵਿਚੋਂ ਡਿੱਗਣ ਕਾਰਨ ਪਰਵਾਸੀ ਮਜ਼ਦੂਰ ਦੀ ਮੌਤ

ਪੱਤਰ ਪ੍ਰੇਰਕ
ਜਲੰਧਰ, 20 ਜੁਲਾਈ
ਇਥੋਂ ਦੇ ਰੇਲਵੇ ਸਟੇਸ਼ਨ ’ਤੇ ਚੱਲਦੀ ਰੇਲ ਗੱਡੀ ਵਿਚ ਪਰਵਾਸੀ ਮਜ਼ਦੂਰ ਦਾ ਪੈਰ ਸਲਿੱਪ ਹੋਣ ਕਾਰਨ ਉਸ ਦੀ ਮੌਤ ਹੋ ਗਈ ਜਿਸ ਦੀ ਪਹਿਚਾਣ ਮੁਹਮੰਦ ਫਿਰੋਜ਼ ਵਾਸੀ ਬਿਹਾਰ ਵਜੋਂ ਹੋਈ ਹੈ। ਮ੍ਰਿਤਕ ਦੇ ਲੜਕੇ ਅਜਾਦ ਨੇ ਦੱਸਿਆ ਕਿ ਉਹ ਆਪਣੇ ਪਿਤਾ ਦੇ ਨਾਲ ਨਕੋਦਰ ਸਾਈਡ ਝੋਨਾ ਲਗਾਉਣ ਲਈ ਆਇਆ ਸੀ ਤੇ ਉਥੇ ਹੜ੍ਹ ਆ ਜਾਣ ਕਾਰਨ ਉਹ ਵਾਪਸ ਪਿੰਡ ਜਾ ਰਹੇ ਸਨ ਕਿ ਜ਼ਿਆਦਾ ਭੀੜ ਹੋਣ ਕਾਰਨ ਉਹ ਤੇ ਉਸ ਦਾ ਪਿਤਾ ਗੱਡੀ ਦੇ ਦਰਵਾਜ਼ੇ ਨਾਲ ਲਮਕ ਗਏ ਪਰ ਉਸ ਦੇ ਪਿਤਾ ਦਾ ਹੱਥ ਸਲਿਪ ਹੋਣ ਕਾਰਨ ਉਸ ਪਿਤਾ ਗੱਡੀ ਤੇ ਪਲੇਟਫਾਰਮ ਵਿਚ ਡਿੱਗ ਗਿਆ। ਲੋਕਾਂ ਨੇ ਰੌਲ੍ਹਾ ਪਾ ਕੇ ਗੱਡੀ ਰੁਕਵਾਈ ਤੇ ਉਸ ਦੇ ਪਿਤਾ ਨੂੰ ਹਸਪਤਾਲ ਲੈ ਕੇ ਗਏ। ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।