‘ਮੇਲਾ ਜੋਗੀ ਦਾ’ ਪਹਿਲੀ ਨੂੰ

ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 23 ਨਵੰਬਰ
ਵਧਾਵਨ ਜਾਗਰਣ ਮੰਡਲ, ਚੰਡੀਗੜ੍ਹ ਵੱਲੋਂ ਪਹਿਲੀ ਦਸੰਬਰ ਨੂੰ ਸੈਕਟਰ-34 ਵਿੱਚ ਸਥਿਤ ਮੇਲਾ ਗਰਾਊਂਡ ਵਿੱਚ 14ਵਾਂ ‘ਮੇਲਾ ਜੋਗੀ ਦਾ’ ਕਰਵਾਇਆ ਜਾ ਰਿਹਾ ਹੈ। ਇਸ ਸਮਾਗਮ ਦੀ ਸ਼ੁਰੂਆਤ 1 ਦਸੰਬਰ ਨੂੰ ਸਵੇਰੇ 9 ਵਜੇ ਜੋਤੀ ਪ੍ਰਚੰਡ ਕਰ ਕੇ ਕੀਤੀ ਜਾਵੇਗੀ ਜਦੋਂਕਿ ਬਾਬਾ ਬਾਲਕ ਨਾਥ ਦੀ ਆਰਤੀ ਸ਼ਾਮ ਨੂੰ 7 ਵਜੇ ਕੀਤੀ ਜਾਵੇਗੀ। ਇਹ ਸਮਾਗਮ ਸ਼ਾਮ ਨੂੰ ਬਾਬਾ ਬਾਲਕ ਨਾਥ ਦੀ ਆਰਤੀ ਦੇ ਨਾਲ ਸਮਾਪਤ ਕੀਤਾ ਜਾਵੇਗਾ। ਇਸ ਸਮਾਗਮ ਵਿੱਚ ਦੇਸ਼ ਭਰ ਤੋਂ ਪ੍ਰਸਿੱਧ ਟੀਵੀ ਕਲਾਕਾਰ ਤੇ ਗਾਇਕ ਪਹੁੰਚ ਰਹੇ ਹਨ ਜਿਨ੍ਹਾਂ ਵੱਲੋਂ ਵੱਖ-ਵੱਖ ਭਜਨਾਂ ਦਾ ਗੁਣਗਾਨ ਕੀਤਾ ਜਾਵੇਗਾ।